12 ദിവസം മാത്രമായ കുഞ്ഞിന്റെ ആരോഗ്യ സ്ഥിതി വഷളാവുകയായിരുന്നു. ഡോക്ടർമാർ പരിശോധിച്ചപ്പോൾ ഷുഗർ ലെവൽ താണു വരുന്നു. താൻ ഫീഡിങ് മദറാണെന്ന് ഡോക്ടറോട് പറഞ്ഞു അനുമതി വാങ്ങിയ ശേഷം രമ്യ കുഞ്ഞിനെ മാറോട് ചേർത്തപ്പോൾ വാവിട്ടു കരഞ്ഞ കുഞ്ഞ് പിന്നെ കരച്ചിൽ നിർത്തി. അമ്മിഞ്ഞപ്പാൽ നുണഞ്ഞു. തുടർന്നു കുഞ്ഞു ഉഷാറായതോടെ എല്ലാവരും സന്തോഷഭരരിതരായി. നേരത്തേയുള്ള കുഞ്ഞിന്റെ അവസ്ഥ കണ്ടപ്പോൾ തനിക്കെന്റെ കുഞ്ഞുങ്ങളെയാണ് ഓർമ്മ വന്നതെന്ന് പറയുമ്പോൾ ആ അമ്മ മനസിന്റെ മഹത്വമാണവിടെ പ്രതിഫലിച്ചത്. നന്തി ചിങ്ങപുരം കിഴക്കേ നൊട്ടിക്കണ്ടി മാധവന്റെയും രതിദേവിയുടെയും മകളാണ് രമ്യ. ഭർത്താവ് അധ്യാപകനായ അശ്വന്ത്. അഞ്ചും ഒന്നും വയസ്സ് പ്രായമുള്ള രണ്ടു കുട്ടികളാണ് രമ്യക്കുള്ളത്.