ധർമർ കോവിലിൽ എടത്തറ നൂപുരം അവതരിപ്പിച്ച നൃത്തസന്ധ്യ ഉണ്ടായിരുന്നു. ക്ഷേത്ര പൂജാരിയെ രാത്രി 9 മണിക്ക് വാദ്യഘോഷങ്ങളുടെ അകമ്പടിയോടെ കുന്തിപ്പുഴയിൽ നിന്നും ആനയിച്ചു കൊണ്ട് വന്നു . അതിനു ശേഷം ഭഗവാൻ ശിവന് രുദ്രാഭിഷേകവും ഉണ്ടായിരുന്നു .
പത്തുകൂടി അങ്കാളപരമേശ്വരി ക്ഷേത്രത്തിൽ രാവിലെ പത്തു മണിക്ക് ലളിത സഹസ്രനാമ അർച്ചന , 12 .30 നു അലങ്കാര പൂജ , വൈകീട്ട് 6.30ന് ദീർഘസുമംഗലി വിളക്ക് പൂജ എന്നീ ചടങ്ങുകളും രാത്രി 7 മണിക്ക് ശ്രീവത്സൻ നാട്യകലാക്ഷേത്രയുടെ സ്വപ്ന സുഭാഷും സങ്കവും അവതരിപ്പിച്ച കലാ സന്ധ്യ , 10 മണിക്ക് ടീം മണ്ണാർക്കാടിന്റെ എവർഗ്രീൻ നൊസ്റ്റാൾജിയ എന്ന പരിപാടികളും അരങ്ങേറി . വൈകുന്നേരം ക്ഷേത്ര ദർശനത്തിനു എത്തിയ എല്ലാ ഭക്തർക്കും അന്നദാനവും ഉണ്ടായിരുന്നു .
തോരാപുരം അണ്ണാമലയാർ ക്ഷേത്രം , പത്തുകൂടി ചിദബരേശ്വര ക്ഷേത്രം , മുക്കണ്ണം ശിവക്ഷേത്രം , ശിവൻകുന്നു ശിവ ക്ഷേത്രം, വടക്കുമണ്ണം സുന്ദരേശ്വര ശിവക്ഷേത്രം എന്നിവിടങ്ങളിലും ശിവരാത്രിയോട് അനുബന്ധിച്ച് പ്രത്യേക പൂജകൾ നടന്നു .
എല്ലാ ക്ഷേത്രങ്ങളിലും അഭൂതപൂർവമായ ഭക്തജന തിരക്ക് അനുഭവപെട്ടു .
റിപ്പോർട്ട്: സുരേഷ്. എം