പൊതുവേ മഴ സമയങ്ങളില് ദേശീയപാതയില് കരിമ്പ മേഖലയില് അപകടങ്ങള് പതിവാണ്. ഏത് സമയത്തും വാഹനങ്ങള് നിയന്ത്രണം വിട്ട് മറിയാന് ഇടയുള്ള ഭാഗമാണിവിടം. വളവുകളും റോഡ് നിര്മാണത്തിലെ അശാസ്ത്രീയതയുമാണ് അപകടങ്ങള്ക്ക് കാരണമാകുന്നത്. നാല് വര്ഷമായി നീണ്ട് പോകുന്ന റോഡ് നിര്മാണവും പലഭാഗത്തും പൂര്ത്തിയാക്കാതെ പാതിവഴിയില് നിര്ത്തിയ റോഡ് പണിയും മുന്നറിയിപ്പു ബോര്ഡുകള് ഇല്ലാത്തതുമാണ് പലപ്പോഴും അപകടങ്ങള്ക്ക് ഇടയാക്കുന്നത്.
കാഞ്ഞിക്കുളം വളവ്, വേലിക്കാട് പാലത്തിന് സമീപം, പത്താംമൈല്, മൈലംപുള്ളി വളവ്, കല്ലടിക്കോട് ചുങ്കം, ദീപ കനാല്, കല്ലടിക്കോട് വില്ലേജ് ഓഫീസിനു സമീപം, തുപ്പനാട് പാലത്തിനിരുപുറം, പനയമ്പാടം, പള്ളിപ്പടി, മുട്ടിക്കല്കണ്ടം, ഇടക്കുര്ശ്ശി, മാച്ചാംതോട് എന്നവിടങ്ങളില് സ്ഥിരമായി അപകടങ്ങള് സംഭവിക്കാറുണ്ട്.
പലപ്പോഴും അമിത വേഗമാണ് അപകടങ്ങള്ക്ക് ഇടയാക്കുന്നത്.ഈ സാഹചര്യം കൂടി കണക്കിലെടുത്താണ് വേഗതയ്ക്ക് കടിഞ്ഞാണിടാന് പാതയില് ഹമ്പുകള് സ്ഥാപിച്ചിരിക്കുന്നത്.