അച്ചടക്കമുള്ള സേനയിലെ ഉത്തരവാദിത്തമുള്ള പോലീസ് ഉദ്യോഗസ്ഥനായ രവിശങ്കറിന്റെ പെരുമാറ്റം ന്യായീകരിക്കാനാവാത്തതും പൊതുജനങ്ങള്ക്കിടയില് പോലീസിന്റെ യശസ്സിന് കളങ്കവും വകുപ്പിന് അപകീര്ത്തിയും ഉണ്ടാക്കുന്നതുമാണെന്ന് സസ്പെന്ഷന് ഉത്തരവില് പറയുന്നു.
രവിശങ്കറിനെതിരെ നെടുമങ്ങാട്, പാങ്ങോട് പോലീസ് സ്റ്റേഷനുകളില് കേസ് രജിസ്റ്റര് ചെയ്തിട്ടുണ്ട്. പാലക്കാട് ജില്ലാ ക്രൈം റിക്കോഡ്സ് ബ്യൂറോ ഡിവൈ.എസ്.പി വകുപ്പുതല അന്വേഷണം നടത്തും.