മറ്റ് പാർശ്വഫലങ്ങൾ തീരെ കുറവുള്ള ചികിത്സാ രീതിയാണിത്. ചൊവ്വാഴ്ച എഐസിസി ജനറൽ സെക്രട്ടറി കെ സി വേണുഗോപാൽ ബെംഗളൂരുവിലെത്തി ഉമ്മൻചാണ്ടിയെ സന്ദർശിച്ചിരുന്നു.
ഉമ്മൻ ചാണ്ടിയുടെ ആരോഗ്യനിലയിൽ മികച്ച പുരോഗതിയാണുള്ളതെന്നാണ് ഡോക്ടറുടെ വിലയിരുത്തലെന്ന് കെ സി വേണുഗോപാലും പറഞ്ഞു. ആരോഗ്യം വീണ്ടെടുത്ത് രോഗമുക്തനായി എത്രയും വേഗം അദ്ദേഹത്തിന് സാധാരണ ജീവിതക്രമത്തിലേക്ക് തിരിച്ചുവരാനാകട്ടെയെന്ന് പ്രാർഥിക്കുന്നുവെന്നും കെ സി വേണുഗോപാൽ ഫേസ്ബുക്കിലെഴുതിയ കുറിപ്പിലൂടെ കൂട്ടിച്ചേർത്തു.
ഗ്ലോബൽ ഹെൽത്ത് കെയർ ആശുപത്രിയിലെ ഡോക്ടർ യു എസ് വിശാൽ റാവുവിന്റെ നേതൃത്വത്തിലുളള വിദഗ്ധ സംഘമാണ് ചികിത്സയ്ക്ക് മേൽനോട്ടം വഹിക്കുന്നത്. ആദ്യ ഡോസ് തെറാപ്പിയുടെ പുരോഗതി വിലയിരുത്തിയ ശേഷമാകും രണ്ടാം ഡോസ് നൽകുക. 15 ദിവസത്തെ ഇടവേളയിലാണ് ഇതു നൽകുക.