ജനുവരി 20 മുതല് ആലുവയിലെ രാജഗിരി ആശുപത്രിയില് കരള് സംബന്ധമായ രോഗത്തിന് ചികിത്സയിലായിരുന്ന സുബി കരള് മാറ്റിവയ്ക്കാനുള്ള തയ്യാറെടുപ്പിലായിരുന്നു. സുബിയുടെ അമ്മയുടെ സഹോദരിയുടെ മകളാണ് കരള് നല്കാനിരുന്നത്. ശനിയാഴ്ച തന്നെ ശസ്ത്രക്രിയ നടത്താനായിരുന്നു തീരുമാനം. ആരോഗ്യനില മോശമായതിനെ തുടര്ന്ന് അത് നടന്നില്ല. വൃക്കയിലുണ്ടായ അണുബാധ മറ്റ് അവയവങ്ങളിലേക്കും ബാധിക്കുകയായിരുന്നു. അതിനിടയില് രക്തസമ്മര്ദ്ദം ഉയര്ന്നതും ശസ്ത്രക്രിയക്ക് തടസമായി. ആരോഗ്യനില വളരെ മോശമായതിനെ തുടര്ന്ന് കഴിഞ്ഞ ദിവസം സുബിയെ വെന്റിലേറ്ററിലേക്ക് മാറ്റുകയായിരുന്നു.