ലാലേട്ടൻ ഫേസ്ബുക്ക് പേജിലൂടെ അടുത്ത പ്രോജക്ട് അനൗൺസ് ചെയ്തതോടെ ആവേശത്തിലാണ് ഫാൻസ്. ലാലേട്ടൻ ഒരിടവേളയ്ക്ക് ശേഷം പോലീസ് വേഷത്തിൽ എത്തുന്നു എന്നത് തന്നെയാണ് ഏവരിലും ആകാംക്ഷ വർദ്ധിപ്പിക്കുന്നത്. നടൻ ഓസ്റ്റിൻ ഡാൻ തോമസ് ആദ്യമായി സംവിധാനം ചെയ്യുന്ന ചിത്രമാകും മോഹൻലാലിന്റെ അടുത്ത സിനിമ. ‘ഇഷ്ക്’ എന്ന ചിത്രത്തിനു തിരക്കഥ ഒരുക്കിയ രതീഷ് രവിയാണ് കഥ–തിരക്കഥ–സംഭാഷണം നിർവഹിക്കുന്നത്. ആഷിഖ് ഉസ്മാൻ ആണ് നിർമാണം. സിനിമയിൽ പൊലീസ് എസ്‌ഐയുടെ വേഷത്തിലാകും മോഹൻലാൽ എത്തുക. കോമഡി ത്രില്ലർ ഗണത്തില്‍പെടുന്ന എന്റർടെയ്നറാകും ചിത്രം. സിനിമയുടെ മറ്റു വിവരങ്ങൾ ലഭ്യമല്ല. ചിത്രീകരണം ഈ വർഷം തന്നെ ആരംഭിക്കും. ‘ട്വൽത്ത് മാനു’ശേഷം മോഹൻലാൽ മുഴുനീള പൊലീസ് വേഷത്തിലെത്തുന്ന ചിത്രം കൂടിയാകുമിത്. എൽ365 എന്നാണ് സിനിമയ്ക്കു താൽക്കാലികമായി നൽകിയിരിക്കുന്ന പേര്.
വിജയ് സൂപ്പർ പൗർണമി, തല്ലുമാല, അർജന്റീന ഫാൻസ് എന്നീ സിനിമകളിൽ അഭിനേതാവായി തിളങ്ങിയ താരമാണ് ഓസ്റ്റിൻ ഡാൻ. മിഥുൻ മാനുവൽ സംവിധാനം ചെയ്ത ‘അഞ്ചാംപാതിര’ സിനിമയുടെ ചീഫ് അസ്സോഷ്യേറ്റ് ഡയറക്ടർ കൂടിയായിരുന്നു ഓസ്റ്റിൻ