നഗര സൗന്ദര്യവല്ക്കരണത്തിന്റെ ഭാഗമായാണ് നെല്ലിപ്പുഴ കവലയില് ഇക്കഴിഞ്ഞ ഓഗസ്റ്റില് ഗാന്ധി പ്രതിമ സ്ഥാപിച്ചത്.എന്നാല് പ്രതിമയുടെ ഉയരകുറവും രൂപവുമെല്ലാം വിമര്ശനത്തിന് ഇടയാക്കി.പ്രതിമയ്ക്ക് മഹാത്മാ ഗാന്ധിയുടെ മുഖച്ഛായയില്ലെന്നായിരുന്നു പ്രധാന ആക്ഷേപം.വിവിധ സംഘടനകള് വിമര്ശനവുമായി എത്തിയതോടെ പ്രതിമ സ്ഥാപിച്ചത് വിവാദത്തിലുമായി. നഗരസഭ കൗണ്സില് യോഗത്തിലും താലൂക്ക് വികസന സമിതി യോഗത്തിലും വിഷയം ഗൗരവമായ ചര്ച്ചയായി.കഴിഞ്ഞ താലൂക്ക് സമിതി യോഗത്തില് ഒക്ടോബര് പത്തിനകം പുതിയ ഗാന്ധി പ്രതിമ സ്ഥാപിക്കുമെന്ന് നഗരസഭാ ചെയര്മാന് സി മുഹമ്മദ് ബഷീര് ഉറപ്പ് നല്കിയിരുന്നു. ഇതേ തുടര്ന്നാണ് നടപടികള് വേഗത്തിലായത്.