ബാംഗ്ലൂര് കേന്ദ്രീകരിച്ച് ജില്ലയിലേക്ക് ആഢംബര ബൈക്കുകളിലും കാറുകളിലും വന്തോതില് സിന്തറ്റിക് ലഹരിമരുന്നുകളായ എംഡിഎംഎ, ബ്രൗണ്ഷുഗര് എന്നിവ മലപ്പുറം , പാലക്കാട് ജില്ലകളിലേക്ക് കടത്തുന്ന അലനെല്ലൂര് കേന്ദ്രീകരിച്ച് പ്രവര്ത്തിക്കുന്ന സംഘത്തെ കുറിച്ചും അവരുടെ ജില്ലയിലെ ഏജന്റുമാരെ കുറിച്ചും മലപ്പുറം ജില്ലാപോലീസ് മേധാവി എസ്.സുജിത്ത് ദാസ് ഐപിഎസ് ന് രഹസ്യ വിവരം ലഭിച്ചിരുന്നു . തുടര്ന്ന് പെരിന്തല്മണ്ണ ഡിവൈഎസ്പി എം സന്തോഷ് കുമാര്, സി.ഐ.റഫീഖ് എന്നിവരുടെ നേതൃത്വത്തില് പാണ്ടിക്കാട് പോലീസും ജില്ലാആന്റിനര്ക്കോട്ടിക് സ്ക്വാഡും നടത്തിയ അന്വേഷണത്തില് ഇത്തരം ലഹരിക്കടത്ത് സംഘത്തിലെ പ്രധാന കണ്ണികളെ തിരിച്ചറിഞ്ഞ് കൂടുതല് വിവരങ്ങള് ശേഖരിച്ചതില് വധശ്രമക്കേസുകളുള്പ്പടെയുള്ള നിരവധി ക്രിമിനല് കേസുകളിലും കഞ്ചാവ് കേസുകളിലും മോഷണക്കേസുകളിലും പ്രതിയായ ഉമ്മര്ഫറൂഖിനേയും സംഘത്തേയും കുറിച്ചുള്ള വിവരം പോലീസിന് ലഭിച്ചിരുന്നു.ബാംഗ്ലൂരില് നിന്നും ഫോണില് ബന്ധപ്പെടുന്ന ഏജന്റുമാര് മുഖേന വാങ്ങുന്ന എംഡിഎംഎ ശരീരത്തിലും വാഹനത്തിലുമായി ഒളിപ്പിച്ചാണ് കേരളത്തിലെത്തിലേക്ക് കടത്തുന്നത്. നാട്ടിലെത്തിച്ചശേഷം ചെറിയ പായ്ക്കറ്റുകളിലാക്കി ചെറുകിട കച്ചവടക്കാര്ക്ക് വില്പ്പനയ്ക്കായി കൈമാറുകയാണ് പതിവ്. അയല്വാസിയും ബന്ധുവുമായ സ്ത്രീയുടെ തലയില് കല്ലുകൊണ്ടടിച്ച് മാരകമായി പരിക്കേല്പ്പിച്ച കേസില് മാസങ്ങള്ക്കുമുന്പാണ് ജാമ്യത്തിലിറങ്ങിയത്. സ്ത്രീകളുള്പ്പടെയുള്ള ഉമ്മറിന്റെ ലഹരിക്കടത്തു സംഘത്തിലെ മറ്റുള്ളവരുടെ വിവരങ്ങള് ശേഖരിച്ച് വരികയാണെന്നും മലപ്പുറം ജില്ലാപോലീസ് മേധാവി എസ്.സുജിത്ത് ദാസ് ഐപിഎസ് അറിയിച്ചു. പെരിന്തല്മണ്ണ ഡിവൈഎസ്പി എം.സന്തോഷ് കുമാറിന്റെ നേതൃത്വത്തില് പാണ്ടിക്കാട് സി.ഐ. റഫീഖ് ,എസ്ഐ.മാരായ അബ്ദുള് സലാം,സുനീഷ് കുമാര് , എ.എസ്.ഐ. സെബാസ്റ്റ്യന് രാജേഷ് , എസ്.സി.പി.ഒ. ഷൈലേഷ് ജോണ്, ജയന്, സന്ദീപ്,ജയന്,അരുണ്,രജീഷ്, എന്നിവരും ജില്ലാ ആന്റി നര്ക്കോട്ടിക് സ്ക്വാഡുമാണ് സംഘത്തിലുണ്ടായിരുന്നത്. പ്രതികളെ പെരിന്തല്മണ്ണ കോടതിയില് ഹാജരാക്കി.