കരിങ്കല്ല് ചുമക്കാനും കിളയ്ക്കാനുമെല്ലാം കൂടും. പ്രായം കുറഞ്ഞ തൊഴിലാളികളെക്കാൾ ഊർജസ്വലതയോടെയാണ് നബീസ ഇപ്പോഴും ജോലി ചെയ്യുന്നതെന്ന് വാർഡ് അംഗം സലൂബ് ജലീൽ പറഞ്ഞു. തൊഴിലുറപ്പ് പണിക്ക് പോകേണ്ടെന്ന് വീട്ടുകാർ പറയുമെങ്കിലും നബീസത്ത കേൾക്കില്ല. ‘എനിക്ക് ആരോഗ്യത്തിന് കുഴപ്പമൊന്നുമില്ലല്ലോ, പിന്നെന്താ പണിയെടുക്കുന്നതിന് എന്നാണ് നബീസത്തയുടെ വാദം. ഇതുവരെ സ്ഥിരമായി മരുന്നു കഴിക്കേണ്ടി വന്നിട്ടില്ല.
നബീസയുടെ മുപ്പതാമത്തെ വയസ്സിൽ ഭർത്താവ് മരിച്ചു. അന്ന് ചെറിയ മകന് ഒരു വയസ്സായിരുന്നു. 4 മക്കളിൽ 2 പേർ മരിച്ചു. മകൻ മുഹമ്മദിന്റെ കൂടെയാണ് ഇപ്പോൾ താമസം. നിലമ്പൂർ ബ്ലോക്ക് പഞ്ചായത്ത് നബീസത്തയെ പൊന്നാടയണിയിച്ച് ആദരിച്ചിട്ടുണ്ട്.