സെവന്‍സ് ഫുട്‌ബോള്‍ അസേസിയേഷന്റെ അംഗീകാരത്തോടെ മണ്ണാര്‍ക്കാട് ഫുട്‌ബോള്‍ അസോസിയേഷന്‍ ഇത് പത്താമത്തെ വര്‍ഷമാണ് ടൂര്‍ണമെന്റ് സംഘടിപ്പിക്കുന്നത്. കഴിഞ്ഞ ഒമ്പത് ടൂര്‍ണമെന്റുകളിലായി ലഭിച്ച അമ്പത് ലക്ഷത്തില്‍പ്പരം രൂപ വിവിധ ജീവകാരുണ്യ-സേവന പ്രവര്‍ത്തനങ്ങള്‍ക്കും ഫുട്‌ബോള്‍ ക്യാമ്പുകള്‍ക്കുമായി ചിലവഴിച്ചതായും സംഘാടകര്‍ അറിയിച്ചു. 21ന് വൈകീട്ട് എഴരയ്ക്ക് എന്‍ ഷംസുദ്ദീന്‍ എംഎല്‍എ ഉദ്ഘാടനം ചെയ്യും. എംഎഫ്എ പ്രസിഡന്റ് മുഹമ്മദ് ചെറൂട്ടി അധ്യക്ഷനാകും. മണ്ണാര്‍ക്കാട് ഡിവൈഎസ്പി വി എ കൃഷ്ണദാസ് മുഖ്യാതിഥിയായിരിക്കും.ബ്ലോക്ക് പഞ്ചായത്ത് പ്രസിഡന്റ് കെ പി ബുഷ്‌റ, നഗരസഭാ ചെയര്‍മാന്‍ സി മുഹമ്മദ് ബഷീര്‍, മുന്‍ ഡെപ്യുട്ടി സ്പീക്കര്‍ ജോസ് ബേബി, എസ്എഫ്എ സംസ്ഥാന പ്രസിഡന്റ് കെ എം ലെനിന്‍, നഗരസഭ കൗണ്‍സിലര്‍മാരായ ടി ആര്‍ സെബാസ്റ്റ്യന്‍, അമുദ,ഇബ്രാഹിം,മുല്ലാസ് എംഡി ഷാജി മുല്ലാസ്,വിവിധ രാഷ്ട്രീയ കക്ഷി നേതാക്കള്‍,സാഹിത്യകാരന്‍ കെപിഎസ് പയ്യനെടം എസ്എഫ്എ സംസ്ഥാന സെക്രട്ടറി യു പി പുരുഷോത്തമന്‍,ജില്ലാ ജനറല്‍ സെക്രട്ടറി വാഹിദ് കുപ്പൂത്ത്, ട്രഷറര്‍ കെ കൃഷ്ണന്‍കുട്ടി, ജില്ലാ നേതാക്കളായ നസീര്‍ എടത്തനാട്ടുകര എംഎഫ്എ ജനറല്‍ സെക്രട്ടറി ഫിറോസ് ബാബു, ട്രഷറര്‍ എം സലീം മറ്റ് ഭാരവാഹികള്‍ തുടങ്ങിയവര്‍ സംബന്ധിക്കുമെന്നും സംഘാടകര്‍ അറിയിച്ചു. ഉദ്ഘാടന മത്സരത്തില്‍ എവൈസി ഉച്ചാരക്കടവും സബാന്‍ കോട്ടയ്ക്കലും തമ്മില്‍ മത്സരിക്കും. വാര്‍ത്താ സമ്മേളനത്തില്‍ എംഎഫ്എ പ്രസിഡന്റ് മുഹമ്മദ് ചെറൂട്ടി, സെക്രട്ടറി ഫിറോസ് ബാബു, ട്രഷറര്‍ സലീം, വൈസ് പ്രസിഡന്റ് ഇബ്രാഹിം,സെക്രട്ടറി സഫീര്‍ തച്ചമ്പാറ, നാസര്‍ മഞ്ചേരി, മുല്ലാസ് പ്രതിനിധി പ്രകാശ് തുടങ്ങിയവര്‍ പങ്കെടുത്തു.