പതിനായിരത്തിലധികം ആളുകള്‍ സംഗമത്തില്‍ പങ്കെടുക്കുമെന്നാണ്‌ പ്രതീക്ഷ. സാമൂഹ്യ മാധ്യമങ്ങളിലൂടെ പ്രചരണം പ്രവര്‍ത്തനങ്ങള്‍ നടന്ന്‌ വരികയാണ്‌.രജിസ്‌ട്രേഷന്‍ ആരംഭിച്ചു. മൂവായിരത്തിലധികം ആളുകള്‍ ഇതിനകം രജിസ്റ്റര്‍ ചെയ്‌ത്‌ കഴിഞ്ഞു. മണ്ണാര്‍ക്കാടിന്റെ ഉന്നത വിദ്യാഭ്യാസ രംഗത്ത്‌ വിപ്ലവകരമായ മുന്നേറ്റങ്ങള്‍ സൃഷ്ടിച്ച എംഎസ്‌ കല്ലടി കോളേജ്‌ 55 വര്‍ഷങ്ങള്‍ പിന്നിടുന്ന വേളയില്‍ ഇതാദ്യമായാണ്‌ കോളേജിന്റെ ചരിത്രത്തില്‍ വിപുലമായ ഒരു പൂര്‍വ്വ വിദ്യാര്‍ത്ഥി സംഗമം നടക്കാന്‍ പോകുന്നത്‌. ജീവിതത്തിന്റെ നാനാതുറകളില്‍ പ്രഗത്ഭരും പ്രശസ്‌തരായവരും സാധാരണ ജീവിതം നയിക്കുന്നവരുമായ പഴയ പഠിതാക്കളുടെ കൂടിച്ചേരില്‍ സാംസ്‌കാരിക സംഗമമായി മാറുമെന്നും സംഘാടകര്‍ പറഞ്ഞു.വാര്‍ത്താ സമ്മേളനത്തില്‍ ഭാരവാഹികളായ കെപിഎസ്‌ പയ്യനെടം, ഡോ.സയ്യിദ്‌ അബൂബക്കര്‍ സിദ്ധീഖ്‌, ഉസ്‌മാന്‍ കരിമ്പനക്കല്‍, കെ ഹംസ, യു ഷബീന, അഡ്വ.മുഹമ്മദ്‌ റാഫി,ഹാഷിം തങ്ങള്‍, പ്രൊഫ.പി.എം സലാഹുദ്ദീന്‍, പ്രൊഫ.ടിഎ അബ്ദുള്‍ അലി തുടങ്ങിയവര്‍ സംസാരിച്ചു.