പൂഞ്ചോലയിലും പള്ളിപ്പടി കാണിവായിലും രണ്ടു വീടുകള്ക്ക് മുകളിലൂടെ മരം പൊട്ടിവീണു.ഒരു വീടിന്റെ മേല്ക്കൂര തകര്ന്നു.പൂഞ്ചേല മാന്തോണി കുഴിപ്പള്ളിപറമ്പില് ശിവദാസന്റെ വീടിന്റെ മേല്ക്കൂരയാണ് തകര്ന്നത്.അപകടസമയത്ത് വീട്ടുകാര് ഉണ്ടായിരുന്നെങ്കിലും ശബ്ദം കേട്ട് പുറത്തേക്കിറങ്ങിയതിനാല് ആളപായമുണ്ടായില്ല.
കാണിവായില് കൊപ്പത്ത് സീതയുടെ് വീടിനു മുകളിലേക്കും മരക്കൊമ്പ് പൊട്ടിവീണു.
വൈദ്യുതി മേഖലയിലും നാശമുണ്ടായി.പാലക്കയം, കാഞ്ഞിരപ്പഴ മേഖലയില് ഏഴ് വൈദ്യുത പോസ്റ്റുകള് തകര്ന്നു.വൈദ്യുതി ലൈനുകള്ക്കും തകരാര് സംഭവിച്ചു. ഇഞ്ചിക്കുന്ന്, ഇരുമ്പാമുട്ടി, ചീനിക്കപ്പാറ,മൂന്നേക്ര, ഇരുമ്പകച്ചോല, അക്കിയംപാടം, മൃഗാശുപത്രിപ്പടി, പള്ളിപ്പടി കാണിവായ് എന്നിവിടങ്ങളിലാണ് മരങ്ങള് വീണത്.കെ എസ് ഇ ബിക്ക് ഒരു ലക്ഷത്തിലേറെ രൂപയുടെ നഷ്ടം കണക്കാക്കുന്നു
മരങ്ങള് വീണ് വീട് തകര്ന്നു
കല്ലടിക്കോട്: ശക്തമായ കാറ്റിലും മഴയിലും മരങ്ങള് ഒടിഞ്ഞ് വീണ് വീട് തകര്ന്നു.ആളപായമില്ല.കരിമ്പ പഞ്ചായത്തിലെ തുടിക്കോട് കാഞ്ഞിരംപാറ കുഞ്ഞന്റെ വീടാണ് തകര്ന്നത്.വെള്ളിയാഴ്ച വൈകീട്ടോടെയായിരുന്നു സംഭവം.മേല്ക്കൂര പൂര്ണമായും തകര്ന്നു.ഭിത്തിക്ക് വിള്ളല് സംഭവിച്ചിട്ടുണ്ട്.