ഇന്നലെ രാത്രി 10 മണിയോടെയായിരുന്നു സംഭവം. ഡിഎച്ച്എസിൽ നടന്ന സബ് ജില്ലാ കലോത്സവത്തിന്റെ സമ്മാനദാനച്ചടങ്ങിനിടെയായിരുന്നു കൂട്ടത്തല്ല് നടന്നത്. ഒരു കൂട്ടർ ആഹ്ലാദ പ്രകടനത്തിനിടെ അശ്രദ്ധമായി പടക്കങ്ങൾ പൊട്ടിച്ചതാണ് പ്രശ്നങ്ങൾക്ക് കാരണമായതായി പറയുന്നത്.
പടക്കങ്ങൾ പൊട്ടിച്ച് ആഘോഷ പ്രകടനങ്ങൾ നടത്തരുതെന്ന് ഡി എച്ച് എസ് എസ് സ്കൂൾ അധികൃതർ പറഞ്ഞതോടെ തർക്കമായി. പിന്നീടത് സംഘര്ഷത്തിലെത്തുകയുമായിരുന്നു. ഇതോടെ പൊലീസ് ലാത്തിവീശി. കല്ലേറിൽ അധ്യാപകന് തലയ്ക്ക് പരുക്കേറ്റു. രണ്ട് വിദ്യാര്ത്ഥികള്ക്കും പരുക്കേറ്റിട്ടുണ്ട്. സംഭവത്തില് കണ്ടാൽ അറിയാവുന്ന ആളുകൾക്കെതിരെ മണ്ണാർക്കാട് പൊലീസ് കേസെടുത്തിട്ടുണ്ട്.