പാലക്കാട്: ബൈക്കിൽ വിനോദയാത്ര പോയി മടങ്ങുന്നതിനിടെ ലോറി ഇടിച്ച് ഗുരുതര പരിക്കേറ്റ് ചികിത്സയിലായിരുന്ന ബൈക്ക് യാത്രക്കാരൻ മരിച്ചു. തിരുവേഗപ്പുറ കൈപ്പുറം പുഴക്കൽ അനീസിന്റെ മകൻ മുഹമ്മദ് അഫ്രീദാണ് (21) മരിച്ചത്.
പാലക്കാട് പൊള്ളാച്ചി റോഡിൽ വെച്ച് ബൈക്കിൽ ലോറി ഇടിച്ച് പരിക്ക് പറ്റി ചികിത്സയിലായിരുന്നു. ഒപ്പമുണ്ടായിരുന്ന കൊടുമുടി സ്വദേശി ഷബീറിനും പരിക്കുണ്ട്. കൊടൈക്കനാലിലേക്ക് ടൂറ് പോയി തിരികെ വരുമ്പോഴായിരുന്നു അപകടം.