സംഭവവുമായി ബന്ധപ്പെട്ട് മൂന്നുപേരിൽനിന്നും വിവരങ്ങൾ ശേഖരിച്ചു. സാധാരണ പോത്തിന്റെ ഇറച്ചിയാണിതെന്നും പാലക്കയത്തുനിന്നാണ് വാങ്ങിയതെന്നുമാണ് ഇവർ വനംവകുപ്പിനോട് വ്യക്തമാക്കിയിട്ടുള്ളത്. ഇറച്ചിക്കച്ചവടക്കാരനും ഇക്കാര്യമാണ് പറഞ്ഞതെന്നും അധികൃതർ അറിയിച്ചു. ഇറച്ചിവാങ്ങിയതിന് ഗൂഗിൾപേ വഴി പണം നൽകിയതിന്റെ രേഖകളും വനംവകുപ്പിനെ ഇവർ കാണിച്ചിട്ടുണ്ട്. ഇറച്ചിയുടെ സാംപിൾ ബുധനാഴ്ച കോടതിയിൽ സമർപ്പിക്കും. കോടതിയുടെ നിർദേശാനുസരണമാകും ലാബിലേക്ക് അയക്കുക. പരിശോധനാഫലത്തിന്റെ അടിസ്ഥാനത്തിൽ തുടർനടപടി സ്വീകരിക്കുമെന്ന് പാലക്കയം ഫോറസ്റ്റ് സ്റ്റേഷൻ അധികൃതർ അറിയിച്ചു.