കൊച്ചിൻപാലത്തിന് സമീപത്തുനിന്നുമാണ് ഇവരെ ഞായറാഴ്ച വൈകീട്ട് പിടികൂടിയത്. കഴിഞ്ഞമാസം 28-ന് റെയിൽവേ ജീവനക്കാരനായ വിജുവിന്റെ ബൈക്ക് ഇവർ കവർന്നിരുന്നു. ബൈക്കുമായി ഇരുവരും പോകുന്നതിന്റെ സി.സി.ടി.വി. ദൃശ്യങ്ങൾ പോലീസിന് ലഭിച്ചിട്ടുണ്ട്. ഈ ബൈക്കുമായി കയിലിയാട് വഴി കൊപ്പത്തെത്തിയതായും പോലീസ് പറയുന്നു.
അഭിജിത്ത് പട്ടാമ്പി കൊപ്പത്ത് ജെ.സി.ബി. ഓപ്പറേറ്ററായി ജോലിനോക്കുകയായിരുന്നു. പത്തനംതിട്ടയിലും കൊച്ചിയിലും ഇയാൾക്കെതിരേ മോഷണക്കേസുകളുണ്ടെന്നും പോലീസ് പറഞ്ഞു. ഇരുവരെയും കോടതിയിൽ ഹാജരാക്കി. ഇൻസ്പെക്ടർ രവികുമാറിന്റെ നേതൃത്വത്തിലുള്ള സംഘമാണ് ഇവരെ പിടികൂടിയത്.