പാലക്കാട് നിന്നും യാത്രക്കാരുമായി കോഴിക്കോട് ഭാഗത്തേക്ക് വരികയായിരുന്ന കെഎസ്ആര്ടിസി ബസും മണ്ണാര്ക്കാട് ഭാഗത്ത് നിന്നും പാലക്കാട്ടേക്ക് പോവുകയായിരുന്ന കെഎസ്ആര്ടിസി ബസും തമ്മിലാണ് കൂട്ടിയിടിച്ചത്.ശനിയാഴ്ച രാവിലെ പതിനൊന്ന് മണിയോടെയായിരുന്നു അപകടം. തുപ്പനാട് വളവിന് സമീപത്ത് റോഡിന് ഇരുവശത്തുമുള്ള കുഴികളാണ് അപകടത്തിന് ഇടയാക്കിയതെന്നാണ് വിവരം.പാലക്കാട് ഭാഗത്ത് നിന്നും വരികയായിരുന്ന ബസ് വളവിന് സമീപം റോഡിന്റെ ഇടതു വശത്തെ കുഴി വെട്ടിച്ച് വലത്തേക്ക് കയറിയ സമയം എതിരെ വന്ന ബസ് ഇടിക്കുകയായിരുന്നുവത്രേ. പാലക്കാട് നിന്നും വന്ന ബസിന്റെ മധ്യഭാഗത്തായാണ് ഇടിച്ചത്. ബസിന്റെ ഈ ഭാഗം തകര്ന്നു.
ഓടിക്കൂടിയ നാട്ടുകാരാണ് രക്ഷാപ്രവര്ത്തനം നടത്തിയത്. അപകടത്തെ തുടര്ന്ന് ദേശീയപാതയില് കുറച്ച് സമയം ഗതാഗതം തടസ്സപ്പെട്ടു.കല്ലടിക്കോട് പൊലീസെത്തി സ്ഥിതി ഗതികള് നിയന്ത്രിച്ചു. അപകടത്തില് പരിക്കേല്ക്കാതെ രക്ഷപ്പെട്ട യാത്രക്കാര്ക്ക് പിറകെ വന്ന ബസുകളില് യാത്രാ സൗകര്യമൊരുക്കി നല്കി.