കനത്ത മഴയെ തുടര്ന്ന് ഷോളയൂരില് ഇതിനോടകം രണ്ട് ദുരിതാശ്വാസ ക്യാമ്പുകള് തുറന്നു. ചിറ്റൂര് പാരിഷ് ഹാളില് തുടങ്ങിയ ക്യാമ്പില് 43 കുടുംബങ്ങളും, വങ്കകടവില് 13 കുടുംബങ്ങളുമാണുളളത്. ഇരു ക്യാമ്പുകളിലും ഷംസുദ്ദീന് എം.എല്.എ എത്തി സ്ഥിതി വിവരങ്ങള് ശേഖരിച്ചു. ക്യാമ്പില് ആവശ്യമായ സൗകര്യങ്ങളൊരുക്കാന് അധികൃതരോട് നിര്ദ്ദേശം നല്കി.
കഴിഞ്ഞ ദിവസങ്ങളില് അട്ടപ്പാടിയിലുണ്ടായ കൃഷി നാശവും മറ്റും ഇന്നലെ നേരില് കണ്ട എം.എല്.എ നാശനഷ്ടങ്ങള് സംബന്ധിച്ചുളള റിപ്പോര്ട്ട് അടിയന്തിരമായി തയ്യാറാക്കാന് റവന്യു വകുപ്പ് അധികൃതരോട് ആവശ്യപ്പെട്ടു.
ഷോളയൂര് ഗ്രാമപഞ്ചായത്ത് പ്രസിഡന്റ് പി. രാമമൂര്ത്തി, അട്ടപ്പാടി തഹസില്ദാര് ഷാനവാസ്, പി.സി ബേബി, ജോബി കൂരിക്കാട്ടില്, നവാസ് പഴേരി, ബാബു, ഗ്രാമപഞ്ചായത്തംഗം അനിത തുടങ്ങിയവര് എം.എല്.എയോടൊപ്പമുണ്ടായിരുന്നു.