അക്രമകാരികളായ തെരുവുനായ്ക്കളെ ഉന്മൂലനം ചെയ്യുകയാണ് വേണ്ടത്.ഇക്കാര്യത്തിലുള്ള പരാതിയില് അക്രമകാരികളായ തെരുവുനായ്ക്കളെ പിടികൂടി ദയാവധം ചെയ്യുകയോ പ്രത്യേകം പാര്പ്പിട കേന്ദ്രങ്ങളിലേക്ക് മാറ്റുകയോ വേണമെന്ന് കോടതിയില് സമര്പ്പിച്ചിട്ടുള്ള ഹര്ജിയില് എച്ച്ഡിഇപി ചൂണ്ടിക്കാട്ടിയിട്ടുണ്ട്.മൃഗങ്ങളോടുള്ള ക്രൂരത തടയല് നിയമം 1960ലെ വ്യവസ്ഥകള്,മൃഗ പ്രജനന നിയന്ത്രണ നിയമം 2001 അനുസരിച്ച് തെരുവുനായ്ക്കളെ പിടികൂടുന്നതിനുള്ള അധികാരം വിനിയോഗിക്കാന് പ്രാദേശിക അധികാരികളെ അനുവദിക്കണം.തെരുവുനായ്ക്കള്ക്ക് വാക്സിനേഷനും വന്ധ്യംകരണവും നിര്ബന്ധമാക്കുകയും ജില്ലാ താലൂക്ക് കേന്ദ്രങ്ങളില് മൃഗാശുപത്രികളും പോളിക്ലിനിക്കുകളും സ്ഥാപിക്കണം. നായ്ക്കള്ക്ക് വികേന്ദ്രീകൃത പാര്പ്പിട സൗകര്യങ്ങള് ഒരുക്കണം തുടങ്ങി നിര്ദേശങ്ങള് കോടതിയ്ക്ക് മുമ്പാകെ സമര്പ്പിച്ചിട്ടുള്ള ഹര്ജിയില് ഉള്പ്പെടുത്തിയിട്ടുള്ളതായും ഭാരവാഹികള് പറഞ്ഞു.
അക്രമകാരികളായ തെരുവുനായ്ക്കളെ ഉന്മൂലനം ചെയ്യുന്നതില് മൃഗസ്നേഹികളുടെ നിലപാടില് വിയോജിപ്പാണ് ഉള്ളതെന്നും പ്രശ്നത്തില് മൃഗസ്നേഹികള് നാടിനൊപ്പം നില്ക്കണം.മനുഷ്യരുടേയും പ്രകൃതിയുടെയും ജീവല്പ്രശ്നങ്ങളിലാണ് സംഘടനയുടെ പ്രവര്ത്തന ശ്രദ്ധയെന്നും ഭാരവാഹികള് പറഞ്ഞു.അപൂര്വ്വ രക്തഗ്രൂപ്പുള്ളവരുടെ പ്രത്യേക കൂട്ടായ്മ രൂപീകരിക്കാനും വിദ്യാര്ത്ഥികള്ക്കായി കൗണ്സിലിംഗ് സെന്റര്,വനിതകള്ക്കായി തൊഴിലധിഷ്ഠിത പരിശീലന കേന്ദ്രം എന്നിവ സ്ഥാപിക്കാന് പദ്ധതിയുള്ളതായും ഭാരവാഹികള് വ്യക്തമാക്കി.വാര്ത്താ സമ്മേളനത്തില് എച്ച്ഡിഇപി ഫൗണ്ടേഷന് ആക്ടിംഗ് പ്രസിഡന്റ് അബ്ദുല് ഹാദി അറയ്ക്കല്,സെക്രട്ടറി അന്വര് ചൂരിയോട് എന്നിവര് പങ്കെടുത്തു.