ഭക്ഷ്യവിഷബാധയ്ക്ക് കാരണമാകുന്ന തരത്തില് ആഹാര പദാര്ത്ഥങ്ങള് തയ്യാറാക്കുന്ന ഇടങ്ങള് വൃത്തിഹീനമായ സൗഹചര്യങ്ങളിലും കാണപ്പെട്ടിരുന്നതായി ആരോഗ്യ വിഭാഗം അധികൃതര് അറിയിച്ചു.ഭക്ഷണ സാധനങ്ങള് സൂക്ഷിച്ചുവെച്ചിരുന്ന മേശകളും അലമാരകളും പൂപ്പല് പിടിച്ച് പ്രാണികള് പെരുകുന്ന സാഹചര്യത്തിലുമായിരുന്നു.മിക്സി,ഗ്രൈന്ഡര് തുടങ്ങിയ ഉപകരണങ്ങള് തുരുമ്പിച്ച അവസ്ഥയിലും കണ്ടെത്തി.ഈ സ്ഥാപനങ്ങളില് നിന്നും പഴകിയ ഭക്ഷണ സാധനങ്ങളും പിടിച്ചെടുത്ത് നശിപ്പിച്ചു.
പകര്ച്ചവ്യാധികള് നിയന്ത്രിക്കുന്നതിനായി ആവിഷ്കരിച്ച ഹെല്ത്തി കേരള പദ്ധതിയുടെ ഭാഗമായാണ് ശുചിത്വ പരിശോധന നടത്തിയത്.ഹെല്ത്ത് ഇന്സ്പെക്ടര് ടോംസ് വര്ഗീസ്,ജൂനിയര് ഹെല്ത്ത് ഇന്സ്പെക്ടര്മാരായ രാമപ്രസാദ്,ഗോപാലകൃഷ്ണന് എന്നിവരുടെ നേതൃത്വത്തിലായിരുന്നു പരിശോധന.വരും ദിവസങ്ങളിലും പരിശോധന തുടരുമെന്ന് ആരോഗ്യവകുപ്പ് അധികൃതര് അറിയിച്ചു.