യു.ഡി.എഫ് ധാരണപ്രകാരം പ്രസിഡന്റ് സ്ഥാനം ആദ്യ മൂന്ന് വര്ഷം മുസ്ലിം ലീഗിനും ശേഷിക്കുന്ന രണ്ട് വര്ഷം കോണ്ഗ്രസിനുമാണ്. ഇത് പ്രകാരം പ്രസിഡന്റായിരുന്ന മുസ്ലിം ലീഗ് പ്രതിനിധി കെ.കെ ലക്ഷ്മിക്കുട്ടി കഴിഞ്ഞ മാസം രാജി വെച്ചിരുന്നു. ഇത് പ്രകാരം വന്ന ഒഴിവിലേക്കാണ് തിരഞ്ഞെടുപ്പ് നടന്നത്.
18 അംഗ ഭരണസമിതിയില് മുസ്ലിംലീഗ് -6, കോണ്ഗ്രസ് -4, സി.എം.പി - ഒന്ന് അടക്കം യു.ഡി.എഫിന് 11ഉം, സി.പി.എം -4, സി.പി.ഐ- 3 അടക്കം എല്.ഡി.എഫിന് ഏഴുമാണ് കക്ഷിനില.
പുതുതായി തെരഞ്ഞെടുക്കപ്പെട്ട രാജന് ആമ്പാടത്തിനെ യു.ഡി.എഫ് നേതാക്കള് ഷാള് അണിയിച്ച് ആദരിച്ചു. ചുങ്കം ഭാഗത്തേക്ക് ആഹ്ലാദ പ്രകടനവും നടത്തി. ഡി.സി.സി ജനറല് സെക്രട്ടറി പി.അഹമ്മദ് അഷ്റഫ്, മുസ്ലിംലീഗ് ജില്ലാ വൈസ് പ്രസിഡന്റ് പൊന്പാറ കോയക്കുട്ടി, ബ്ലോക്ക് കോണ്ഗ്രസ് പ്രസിഡന്റ് അസീസ് ഭീമനാട്, പി.മുഹമ്മദാലി അന്സാരി,
അസീസ് പച്ചീരി, കെ.കെ ബഷീര്, ഫിലിപ്പ്, കെ.പി ഹംസ, അബു വറോടന്, യൂത്ത് ലീഗ് ജില്ല ട്രഷറര് നൗഷാദ് വെളളപ്പാടം, ഷരീഫ് പച്ചീരി, റഹീം ഇരുമ്പന്, വി.വി.ഷൗക്കത്തലി, വൈശ്യന് മുഹമ്മദ്, കെ.കെ മൊയ്തുപ്പ, കെ.ബാലകൃഷ്ണന്, അരുണ്കുമാര് പാലക്കുറുശ്ശി, പി.കെ നസീര് ബാബു തുടങ്ങിയവര് സംബന്ധിച്ചു.