ശ്രീകൃഷ്ണപുരം: കനത്ത വേനൽ ചൂടിൽ നിന്ന് ആശ്വാസം പകരാൻ ഒടുവിൽ വേനൽ മഴയെത്തി, ശക്തമായ കാറ്റിന്റെയും, മിന്നലിന്റേയും അകമ്പടിയോടെ എത്തിയ മഴ പലയിടത്തും നാശനഷ്ടം വിതച്ചു. മരങ്ങൾ പലതും കടപുഴകി വീണതോടെ ആറ്റാശ്ശേരി, കരിപ്പമണ്ണ പ്രദേശങ്ങളിൽ ഗതാഗത തടസ്സം സൃഷ്ടിച്ചു. വൈദ്യുതി ലൈനുകളും പോസ്റ്റുകളും തകർന്നു. കരിമ്പുഴ കരിപ്പമണ്ണ റോഡും കോട്ടപ്പുറം ആറ്റാശ്ശേരി റോഡും മരങ്ങളും വൈദ്യുതി ലൈനുകളും പോസ്റ്റുകളും വീണ് ഗതാഗതം തടസ്സപ്പെട്ടു. കരിപ്പമണ്ണ, കരിമ്പുഴ ഭാഗങ്ങളിൽ വീടുകളുടെ ഷീറ്റുകൾ പറന്നുപോയി. ചില വീടുകൾക്കുമുകളിൽ മരം വീണിട്ടുണ്ട്. ആളപായമൊന്നും ഇല്ല.
ട്രോമാകെയർ വളണ്ടിയർമാരും നാട്ടുകാരും രക്ഷാപ്രവർത്തനത്തിൽ ഏർപ്പെട്ടു. പലസ്ഥലങ്ങളിലും വൈദ്യുതി ലൈനിൽ മരങ്ങൾ വീണു കിടക്കുന്നതിനാൽ കെഎസ്ഇബി ഉദ്യോഗസ്ഥർ വന്നതിനുശേഷം മാത്രമേ അവ നീക്കം ചെയ്യാൻ കഴിയുകയുള്ളൂ.
