മണ്ണാർക്കാട്: കല്ലടിക്കോട് വീടിന്റെ മുന്നിൽ നിർത്തിയിട്ട കാർ കാട്ടാന തകർത്തു. മണ്ണാർക്കാട് കല്ലടിക്കോട് സ്വദേശി പ്രദീപിന്റെ കാർ ആണ് കാട്ടാന തകർത്തത്. ഇന്നലെ രാത്രി 12.30 യോടെയായിരിന്നു സംഭവം. കാട്ടാനയുടെ ആക്രമണത്തിൽ കാറിന്റെ ഡോറുകളും പുറക് വശവും തകർന്നു. വലിയ ശബ്ദം കേട്ട് വീട്ടുകാർ എഴുന്നേറ്റപോഴാണ് ആന കാർ തകർക്കുന്നത് കണ്ടത്. ഭയന്ന് പോയ വീട്ടുകാർ ബഹളം വെച്ചതിനെ തുടർന്ന് ആന ഇറങ്ങി പോയി. പാങ്ങ് മുന്നേക്കർ ഭാഗത്ത് ജനവാസ മേഖലയിൽ കാട്ടാനകൾ ഒറ്റക്കും കൂട്ടമായും ഇറങ്ങുന്നത് തുടർക്കഥയായിരിക്കുകയാണെന്ന് നാട്ടുകാർ പറഞ്ഞു
