വെള്ളിയാഴ്ച വൈകിട്ട് ആറു മണിയോടെയാണ് സംഭവം. തിരുവിഴാംകുന്നിലെയും, പോസ്റ്റ് ഓഫീസ് ഭാഗത്തെയും യുവാക്കൾ തമ്മിലുള്ള തർക്കമാണ് സംഘർഷത്തിൽ കലാശിച്ചത്. തിരുവിഴാംകുന്ന് സെന്ററിലാണ് ഇരു വിഭാഗങ്ങൾ തമ്മിൽ ഏറ്റുമുട്ടിയത്. തർക്കത്തിൽ വടിവാൾ വീശിയതായും വിവരമുണ്ട്. നേരത്തേയും ഇരുവിഭാഗത്തേയും ആളുകൾ തമ്മിൽ തർക്കം നടന്നിരുന്നു. അത് രമ്യതയിൽ എത്തുകയും ചെയ്തിരുന്നു. ഇന്നലെ യുവാക്കൾ തമ്മിലുള്ള അടിപിടി തടയാൻ ശ്രമിച്ച ബന്ധുക്കൾക്കും പരിക്കേറ്റു. സംഭവസ്ഥലത്ത് പോലീസ് ക്യാംപ് ചെയ്തു.