സബോള ഉൾപ്പടെയുള്ള പച്ചക്കറികൾ, ഭക്ഷ്യ എണ്ണകൾ ഉൾപ്പടെയുള്ള പലവ്യജ്ഞനങ്ങൾ, പാചക വാതകം തുടങ്ങി വൻ വിലവർധനയാണ് സംഭവിച്ചു കൊണ്ടിരിക്കുന്നത്. ഇറച്ചി കോഴി വില ഏറിയും കുറഞ്ഞും തുടരുകയാണ്. സർക്കാർ വിപണിയിൽ ഇടപെടുന്നില്ല എന്നത് ഏറെ ഖേദകരമാണ്. കെട്ടിട വാടകക്ക് പതിനെട്ട് ശതമാനം ജി എസ് ടി നടപ്പിലാക്കിയതും പ്രതിസന്ധി സൃഷ്ടിക്കുന്നു. നിത്യോപയോഗ സാധനങ്ങളുടെ വിലക്കയറ്റം ഹോട്ടൽ മേഖലയിൽ തൊഴിലാളികളുടെ കൂലി വർധനവ് അനിവാര്യമാക്കുകയാണ്.
സർക്കാർ തലത്തിൽ വിവിധ വകുപ്പുകൾ പല തരം ഫീസുകളിലും വൻ വർധന വരുത്തിക്കഴിഞ്ഞു. പതിനായിരങ്ങൾ തൊഴിലെടുക്കുന്ന, ജീവിതമാർഗ്ഗമായി സ്വീകരിച്ചിരിക്കുന്ന ഹോട്ടൽ, റസ്റ്റോറൻ്റ് വ്യവസായം വലിയ ഭീഷണിയാണ് നേരിടുന്നത്. യൂണിറ്റ് കൺവെൻഷൻ ഈ വിഷയങ്ങൾ എല്ലാം ചർച്ചചെയ്തു. സ്ഥാപനം നടത്തിക്കൊണ്ട് പോകാനുള്ള പ്രയാസം കൊണ്ട് അനിശ്ചിതകാലത്തേക്ക് അടച്ചിടണം എന്ന അംഗങ്ങളുടെ അഭിപ്രായം കണക്കിലെടുത്ത് ജില്ലാ സംസ്ഥാന കമ്മറ്റികളുടെ നിർദേശത്തോടെ നടപടികൾ സ്വീകരിക്കുമെന്ന് യോഗം തീരുമാനിച്ചു.
വിലക്കയറ്റം നിയന്ത്രിക്കണമെന്നും വാടകക്ക് ഏർപ്പെടുത്തിയ ജി എസ് ടി പിൻവലിക്കണമെന്നും സർക്കാരിനോട് ആവശ്യപ്പെട്ട് പ്രമേയം പാസാക്കി.
മണ്ണാർക്കാട് ടൗണിൽ നൈറ്റ് ലൈഫ് പദ്ധതിയും പൊതുജനങ്ങൾക്ക് ഉപകാരപ്രദമാകുന്ന രീതിയിൽ പാർക്ക് നിർമ്മിക്കണമെന്നും പ്രമേയത്തിലൂടെ നഗരസഭയോട് ആവശ്യപ്പെട്ടു.
കൺവെൻഷനിൽ യൂണിറ്റ് പ്രസിഡൻ്റ് സി സന്തോഷ് അധ്യക്ഷത വഹിച്ചു. യുണിറ്റ് സെക്രട്ടറി ഫിറോസ് ബാബു വാർഷിക റിപ്പോർട്ട് അവതരിപ്പിച്ചു, യൂണിറ്റ് ട്രഷറർ മിൻഷാദ് വരവ് ചിലവ് കണക്കുകൾ അവതരിപ്പിച്ചു. യൂണിറ്റ് രക്ഷാധികാരി ഇ എ നാസറിനെ ആദരിച്ചു. ജില്ലാ പ്രസിഡൻ്റ് ഇൻചാർജ് കുഞ്ചപ്പൻ, ജില്ലാ സെക്രട്ടറി ഫസലുൽ റഹ്മാൻ, സംസ്ഥാന കമ്മറ്റി അംഗം സുബൈർ പട്ടാമ്പി,എൻ ആർ ചിൻമയാനന്ദൻ , ജില്ലാ നേതാക്കളായ ഇ എ നാസർ , നാസർ ചില്ലീസ്, യൂണിറ്റ് ഭാരവാഹികൾ തുടങ്ങിയവർ പങ്കെടുത്തു.
Tags
mannarkkad