പൊതുമേഖല ബാങ്കുകളെ കൂട്ടത്തോടെ സ്വകാര്യ വത്കരിക്കുന്നതോടൊപ്പം, കേരളത്തിന്റെ നട്ടെല്ലായ സഹകരണ മേഖലയെയും തകര്ക്കുക എന്ന ബഹുരാഷ്ട്ര-അന്താരാഷ്ട്ര ലോബിയുടെ നീക്കങ്ങള്ക്ക് ശക്തി പകരുന്നതാണ് കേന്ദ്ര സര്ക്കാരിന്റെ നീക്കങ്ങളെന്നും, ഇതിന് തെളിവാണ് ഭരണ ഘടന വിരുദ്ധമായ കേന്ദ്ര സഹകരണ മന്ത്രാലയമെന്നും മന്ത്രി ചൂണ്ടിക്കാട്ടി. സഹകരണ മേഖലയില് കാലോചിതമായ പരിഷ്കാരവും, പരിശീലനവും,പരിശോധനയും നടപ്പാക്കും.സി.പി.എം സമ്മേളനങ്ങള് വെറും ബഹളങ്ങളല്ലെന്നും,മറിച്ച് സാധാരണക്കാരന്റെ ജീവിത പ്രശ്നനങ്ങള് ചഏറ്റെടുക്കുകയും, പ്രായോഗിക-സമത്വ സുന്ദരമായ സാമൂഹ്യ സാഹചര്യങ്ങള് വാര്ത്തെടുക്കാനുള്ള ചര്ച്ച വേദികളാണെന്നും മന്ത്രി പറഞ്ഞു.
മണ്ണാര്ക്കാട് ഏരിയ സെക്രട്ടറി യു.ടി.രാമകൃഷ്ണന് അധ്യക്ഷത വഹിച്ചു. കെ.ടി.ഡി.സി.ചെയര്മാന് പി.കെ.ശശി മുഖ്യ പ്രഭാഷണം നടത്തി. സര്ക്കിള് സഹകരണ യൂണിയന് ചെയര്മാന് എം.പുരുഷോത്തമന്, കെ.എന്.സുശീല,അഡ്വ.കെ.സുരേഷ്,കെ.ശോഭന് കുമാര്, ജയകൃഷ്ണന്, വിനോദ്കുമാര് എന്നിവര് സംസാരിച്ചു.