ഭാരം കയറ്റി വന്ന വാഹനങ്ങള് കുത്തനെയുള്ള കയറ്റം കയറാന് നന്നേ ബുദ്ധിമുട്ടി. ഇന്ന് വൈകുന്നേരം വരെ വലിയ തോതിലുള്ള ഗതാഗത തടസ്സമാണ് കല്ലടി കോളേജ് പരിസരത്ത് അനുഭവപ്പെട്ടത്. റോഡ് പൊളിച്ചിട്ട ഭാഗത്ത് കൂടി വാഹനങ്ങള് കടന്ന് പോയതോടെ പരിസരമാകെ പൊടിയില് മുങ്ങുകയും ചെയ്തു. വിദ്യാര്ത്ഥികളടക്കമുള്ള യാത്രക്കാരെ പൊടിശല്ല്യം വലച്ചു. ഇന്ന് മെക്കാനിക്കിനെ എത്തിച്ച് തകരാര് പരിഹരിച്ച് വൈകീട്ടോടെയാണ് ലോറി റോഡില് നിന്നും നീക്കിയത്. ഗതാഗതം നിയന്ത്രിക്കാനായി ട്രാഫിക് പോലീസ് സ്ഥലത്തെത്തിയിരുന്നു.
ദേശീയപാത നവീകരണം പൂര്ത്തിയാകാത്തതിനാല് കല്ലടി കോളേജ് പരിസരത്ത് ഗതാഗത കുരുക്ക് പതിവാണ്. മാത്രമല്ല അപകട സാധ്യതയും വര്ധിപ്പിക്കുന്നുണ്ട്. നിരവധി വിദ്യാഭ്യാസ സ്ഥാപനങ്ങള് പ്രവര്ത്തിക്കുന്ന ഭാഗത്തെ റോഡ് പ്രവൃത്തി പൂര്ത്തിയാക്കുന്നതിന് നടപടികള് വൈകുന്നതാണ് ദുരിതങ്ങള്ക്ക് ഇടയാക്കുന്നത്. അടിയന്തരമായി റോഡ് പ്രവൃത്തി പൂര്ത്തീകരിക്കണണമെന്ന ആവശ്യം ശക്തമാണ്.