വലുതായി പൂർണമായും ആരോഗ്യം കൈവരിക്കുമ്പോൾ തിരിച്ചു കാട്ടിലയക്കാനായിരുന്നു വനപാലകരുടെ പദ്ധതി. പക്ഷെ വളർന്നു 8 മാസം കഴിഞ്ഞിട്ടും കാട്ടിലേക്കു മടങ്ങുവാൻ മ്ലാവ് തയ്യാറായില്ല. ഇതിനകം സുന്ദരി എന്ന പേരും വനപാലകർ അവർക്ക് നൽകി. ഫോറെസ്റ്റ് ഓഫീസിനു ചുറ്റുമുള്ള കാട്ടിലൂടെ മേഞ്ഞു നടന്നാലും വനപാലകരുടെ സുന്ദരി എന്ന വിളി കേട്ടാൽ ഓടിയെത്തും.
ദോശയും പഴവുമാണ് ഇഷ്ടഭക്ഷണം. വനപാലകരുടെ ക്വാർട്ടേഴ്സിൽ സുന്ദരിക്കായി ഒരു പങ്ക് ഭക്ഷണം എപ്പോഴും മാറ്റി വച്ചിരിക്കും. പക്ഷെ പഴം മാത്രം തൊലി കളഞ്ഞു കൊടുത്താൽ മാത്രമേ കഴിക്കൂ. ഇതിനകം ഫോറസ്റ്റ് ഓഫീസിൽ എത്തുന്ന എല്ലാവരുടെയും കണ്ണിലുണ്ണിയായി മാറിക്കഴിഞ്ഞു സുന്ദരി.