ഇക്കഴിഞ്ഞ ബുധനാഴ്ച പുലര്ച്ചെയാണ് നേര്ച്ചപ്പാറ കോളനിയിലെ നിസാമിന്റെ വീട്ടില് പുലിയെത്തി വളര്ത്തുനായയെ പിടികൂടിയത്. വീട്ടില് സ്ഥാപിച്ചിരുന്ന സിസിടിവിയില് പുലിയുടെ ദൃശ്യങ്ങള് പതിയുകയും ഇത് പരിശോധിച്ച് വനംവകുപ്പ് പുലിയാണെന്ന് ഉറപ്പുവരുത്തുകയും ചെയ്തിരുന്നു. മാസങ്ങളോളമായി മേഖലയില് വിഹരിക്കുന്ന പുലിയെ പിടികൂടാന് വനംവകുപ്പ് കെണിയൊരുക്കി കാത്തിരിപ്പു തുടരുന്നതിനിടെയാണ് ജനവാസമേഖലയിലേക്ക് പുലിയെത്തിയത്. ഇത് പ്രദേശത്തെ ഭീതി വര്ധിപ്പിച്ചിട്ടുണ്ട്. വന്യജീവി വിഹരിക്കുന്ന സാഹചര്യത്തില് പ്രദേശത്ത് തെരുവി വിളക്കുകള് സ്ഥാപിക്കണമെന്നും തകരാറിലായിട്ടുള്ളവ അറ്റകുറ്റപണി നടത്തണമെന്ന ആവശ്യവും ശക്തമാണ്.
വാര്ഡ് മെമ്പര് സീനത്ത്,റേഞ്ച് ഓഫീസര് രാമചന്ദ്രന് മുട്ടില്,ഫോറസ്റ്റ് ഓഫീസര് പുരുഷോത്തമന്,ടികെ ഫൈസല്, ടികെ ഹംസക്കുട്ടി, സൈനുദ്ദീന് കൈതച്ചിറ, ടി കെ റഫീഖ്, വാപ്പുട്ടി പൊതിയില്, ടി പി ജാഫര് തുടങ്ങിയവരും എംഎല്എയൊടൊപ്പം ഉണ്ടായിരുന്നു.