തച്ചമ്പാറ മച്ചാംതോട് പങ്കംവളപ്പിൽ വീട്ടിൽ മുഹമ്മദ് ഷാബിർ സ്വന്തമായി ചിട്ടപ്പെടുത്തിയ പരിശീലനത്തിലൂടെയും ഭക്ഷണക്രമത്തിലൂടെയുമാണ് ഈ നേട്ടം കൈവരിച്ചത്. കഴിഞ്ഞവർഷം നവംബറിൽ ആയിരുന്നു റെക്കോർഡിലേക്കുള്ള വീഡിയോചിത്രീകരണം.
ഗിന്നസിൽ ഇടം നേടിയ കാഞ്ഞിരം സ്വദേശി വിഷ്ണുവിന്റെ നേതൃത്വത്തിലാണ് വീഡിയോ ചിത്രീകരിച്ചത്. പതിനഞ്ച് വയസ്സുമുതൽ മുടങ്ങാതെ ജിമ്മിൽ പോകുന്ന ഷാബിറിന് ബോഡിബിൽഡിംഗ്‌ ചെയ്യാനായിരുന്നു താല്പര്യം, പക്ഷേ സാമ്പത്തിക ചിലവുള്ള മേഖലയായതിനാൽ ആ ഉദ്യമത്തിൽ നിന്ന് പിന്തിരിയുകയായിരുന്നു. നാല് വർഷമായി ഗിന്നസ്ബുക്കിൽ ഇടം നേടുക എന്ന ലക്ഷ്യത്തോടെ വീട്ടിൽ തന്നെയായിരുന്നു ഷാബിറിന്റെ പരിശീലനം.
ഇതിലൂടെ യുവ തലമുറയോട് ലഹരിയോട് നോ പറയൂ, ആരോഗ്യം സംരക്ഷിക്കൂ എന്ന സന്ദേശവും ഷാബിർ നൽകുന്നു. കൂടുതൽ മികച്ച നേട്ടങ്ങൾക്ക് വേണ്ടിയുള്ള കഠിന പരിശ്രമത്തിലാണ് ഷാബിർ
