നടപടികൾ പൂർത്തിയാക്കി ഇന്നലെ തുറക്കുമെന്നാണ് കരാർ കമ്പനി അറിയിച്ചിരുന്നത്. ഉൾവശം കോൺക്രീറ്റ് ചെയ്യുന്നതിനാണ് തുരങ്കം അടച്ചത്. ജോലികൾ നടക്കുന്ന ഘട്ടത്തിൽ ദേശീയപാതാ അതോറിറ്റി പരിശോധന നടത്തിയിരുന്നെങ്കിലും പണി പൂർത്തിയായശേഷം പരിശോധന നടത്തിയിട്ടില്ല.
റീജണൽ മാനേജരുടെ നേതൃത്വത്തിൽ പരിശോധന നടക്കുമെന്ന് ദേശീയപാതാ അതോറിറ്റി പറഞ്ഞു. കോൺക്രീറ്റ് ചെയ്യുന്നതിനായി അഴിച്ചുമാറ്റിയ അഗ്നിരക്ഷാ സംവിധാനങ്ങൾ പുനഃസ്ഥാപിച്ചെങ്കിലും അഗ്നിരക്ഷാസേനയുടെ പരിശോധനയും നടക്കേണ്ടതുണ്ട്.
രണ്ട് ദിവസത്തിനുള്ളിൽ പരിശോധന പൂർത്തിയാക്കി തുരങ്കം ഗതാഗത്തിനായി തുറക്കാനാകുമെന്നാണ് പ്രതീക്ഷിക്കുന്നതെന്ന് അധികൃതർ പറഞ്ഞു.