കൈക്കൂലി വാങ്ങി നൽകുന്ന സഹായികളുണ്ടോ, ഓഫീസിൽ മറ്റാരെങ്കിലും പങ്കുപറ്റുന്നുണ്ടോ തുടങ്ങിയ കാര്യങ്ങൾ പരിശോധിക്കും. മണ്ണാർക്കാട് താലൂക്ക് ഓഫീസിലെ സർവേയറായ രാമദാസിനെ തിങ്കളാഴ്ചയാണ് കൈക്കൂലിക്കേസിൽ വിജിലൻസ് പിടികൂടിയത്. വസ്തുവിന്റെ സർവേനമ്പർ ശരിയാക്കിക്കിട്ടുന്നതിനുള്ള സർട്ടിഫിക്കറ്റ് ലഭ്യമാക്കാനാണ് ആനമൂളി സ്വദേശിയിൽനിന്നും കൈക്കൂലി വാങ്ങിയത്.
നാൽപ്പതിനായിരംരൂപ കൈക്കൂലിവാങ്ങുന്നത് വിജിലൻസ് കൈയോടെ പിടികൂടുകയായിരുന്നു. അറസ്റ്റിലായ താലൂക്ക് സർവേയർ പി.സി. രാമദാസിനെ തൃശ്ശൂർ വിജിലൻസ് കോടതി ഈമാസം 18 വരെ റിമാൻഡ് ചെയ്തു. 2016 ലും സമാനമായ കേസിൽ 5,000 രൂപ കൈക്കൂലി വാങ്ങുന്നതിനിടെ രാമദാസ് അറസ്റ്റിലായിട്ടുണ്ട്. ഈ കേസ് തൃശ്ശൂർ വിജിലൻസ് കോടതിയിൽ കുറ്റപത്രം സമർപ്പിച്ച് വിചാരണയിലാണ്.
2023 മേയ് മാസത്തിൽ പാലക്കയം വില്ലേജ് ഫീൽഡ് അസിസ്റ്റന്റായിരുന്ന വി. സുരേഷ്‌കുമാറിനെ കൈക്കൂലി വാങ്ങുന്നതിനിടെ വിജിലൻസ് അറസ്റ്റ് ചെയ്തിരുന്നു. ഈ കേസിൽ വിജിലൻസ് കുറ്റപത്രം തയ്യാറാക്കുകയാണ്.