അട്ടപ്പാടി വണ്ടൻപാറയിൽ തിങ്കളാഴ്ച രാത്രി ജീവനൊടുക്കിയ സന്ധ്യയുടെ (27) നാലു മാസം പ്രായമുള്ള മകൻ മിദർശാണു നിർത്താതെ കരഞ്ഞത്. നാലു മക്കളുടെ അമ്മയായ സന്ധ്യ ജീവനൊടുക്കിയ വിവരമറിഞ്ഞു ജൂനിയർ ഹെൽത്ത് ഇൻസ്പെക്ടർക്കും ആശാ വർക്കർക്കുമൊപ്പം ഔദ്യോഗിക ചുമതലയുമായി എത്തിയതാണ് അമൃത.
പനിയും വയറിളക്കവും കാരണം കോട്ടത്തറ ട്രൈബൽ താലൂക്കാശുപത്രിയിൽ പ്രവേശിപ്പിച്ചിരിക്കുകയായിരുന്ന കുഞ്ഞിനെ സംസ്കാര ചടങ്ങിനായാണ് കാരറ ദുണ്ടൂരിലേക്ക് കൊണ്ടുവന്നത്. കുഞ്ഞിന്റെ ആരോഗ്യസ്ഥിതി അന്വേഷിക്കാൻ കാരറ ജനകീയാരോഗ്യ കേന്ദ്രത്തിലെ ആരോഗ്യ പ്രവർത്തകർക്കൊപ്പമാണ് അമൃത എത്തിയത്. എട്ടുമാസം പ്രായമായ കുഞ്ഞുള്ള അമൃതയ്ക്ക്, അമ്മ നഷ്ടപ്പെട്ട കുരുന്നിന്റെ കരച്ചിൽ കണ്ടുനിൽക്കാനായില്ല. ബന്ധുക്കളുടെ അനുമതിയോടെ അമൃത കുഞ്ഞിന് പാലൂട്ടി. വിശപ്പുമാറിയതോടെ കുഞ്ഞ് കരച്ചിൽ നിർത്തിയപ്പോൾ കണ്ടുനിന്നവർക്കും ആശ്വാസമായി. വിശപ്പും ക്ഷീണവും മാറി ഉറങ്ങിയ മിദർശിനെ ബന്ധുക്കൾക്കു കൈമാറിയാണു മടങ്ങിയത്.