രണ്ട് പ്ലസ്ടു വിദ്യാർഥികൾക്കെതിരെ കേസെടുത്തു. വ്യാഴാഴ്ച രാവിലെയോടെ ആയിരുന്നു സംഭവം. പ്ലസ് ടു വിദ്യാർത്ഥികളിൽ നിന്നാണ് അധ്യാപകൻ ക്രൂരമായ മർദ്ദനം നേരിടേണ്ടി വന്നത്. പള്ളിക്കുന്ന് ഗവ. ഹയർസെക്കൻഡറി സ്കൂൾ അധ്യാപകൻ സി.എച്ച്. ഫാസിലിനാണ് മർദ്ദനമേറ്റത്. പരീക്ഷ ഉള്ള ദിവസമായിരുന്നു. എന്നാൽ പരീക്ഷയ്ക്ക് എത്തിയ വിദ്യാർത്ഥികൾ ക്ലാസിൽ കയറാതെ പുറത്ത് നിൽക്കുന്നത് കണ്ടപ്പോൾ ഇംഗ്ലീഷ് അധ്യാപകൻ ക്ലാസിൽ കയറാനായി രണ്ടു വിദ്യാർത്ഥികളോടും ആവശ്യപ്പെട്ടു. ഇത് തർക്കത്തിന് കാരണമായി. തുടർന്ന് രണ്ടു വിദ്യാർത്ഥികളും ചേർന്ന് അധ്യാപകനെ മർദ്ദിക്കുകയായിരുന്നു