നീങ്ങി തുടങ്ങിയ ട്രെയിനിൽ ഓടിക്കയറുന്നതിനിടെ വീണ പെൺകുട്ടിക്ക് അത്ഭുത രക്ഷപ്പെടൽ

കണ്ണൂർ:  നീങ്ങി തുടങ്ങിയ ട്രെയിനിൽ ഓടിക്കയറാൻ ശ്രമിക്കുന്നതിനിടെ പിടിവിട്ട് പ്ലാറ്റ്ഫോമിനും ട്രെയിനിനും ഇടയിലേക്ക് വീണ വിദ്യാർഥിനി അത്ഭുതകരമായി രക്ഷപ്പെട്ടു. ട്രാക്കിലേക്ക് വീഴാതിരുന്നതും ട്രെയിനിലോ പ്ലാറ്റ്ഫോമിന്റെ വശങ്ങളിലോ തട്ടാതിരുന്നതും രക്ഷയായി.  കണ്ണൂർ റെയിൽവേ സ്റ്റേഷനിലെ ഒന്നാം പ്ലാറ്റ്ഫോമിൽ ഇന്നലെ രാവിലെ എട്ടുമണിക്ക് ആണ് സംഭവം മംഗ്ലൂരുവിൽ നഴ്സിംഗ് വിദ്യാർഥിനിയായ തലശ്ശേരി സ്വദേശിനി മംഗളൂരുവിലേക്ക് പോകാനായി തലശ്ശേരിയിൽ നിന്നാണ് പുതുച്ചേരി എക്സ്പ്രസിൽ കയറിയത്.  ട്രെയിൻ കണ്ണൂരിൽ നിർത്തിയപ്പോൾ സാധനം വാങ്ങാൻ ആയി പ്ലാറ്റ്ഫോമിലെ കടയിലേക്ക് പോയി സാധനങ്ങൾ വാങ്ങി യുപിഎ വഴി പണം നൽകാൻ ശ്രമിക്കുന്നതിനിടെ ട്രെയിൻ നീങ്ങിത്തുടങ്ങിയത് ശ്രദ്ധയിൽപ്പെട്ടത്. സാധനങ്ങൾ പിടിച്ചേൽപ്പിച്ച് ട്രെയിനിൽ ഓടിക്കയറാൻ ശ്രമിക്കുകയായിരുന്നു വാതിലിന്റെ അരികിലെ കമ്പിയിൽ പിടിച്ചു കയറാൻ ശ്രമിക്കുന്നതിനിടെ പിടിവിട്ട് വീഴുകയായിരുന്നു. 

കണ്ടുനിന്നവർ ബഹളം വെച്ചതിനെ തുടർന്ന് യാത്രക്കാർ  യാത്രക്കാർ ചങ്ങല വലിച്ച് ട്രെയിൻ നിർത്തി അപ്പോഴേക്കും നാല് കോച്ചുകൾ പെൺകുട്ടിയെ കടന്നുപോയി റെയിൽവേ പോലീസും യാത്രക്കാരും ചേർന്ന് കുട്ടിയെ വലിച്ചു പുറത്തെടുത്തു ദേഹത്ത് പോറലൊഴിച്ചാൽ മറ്റു പരിക്കുകൾ ഇല്ല ആശുപത്രിയിൽ എത്തിച്ച് പ്രഥമ ശുശ്രൂഷ നൽകി. പിന്നീട് രക്ഷിതാക്കൾ എത്തിയശേഷം മറ്റൊരു ട്രെയിനിൽ യാത്ര തുടർന്നു