പാലക്കാട്: സ്കൂളിൽ സ്ഥാപിച്ച ക്രിസ്തുമസ് പുൽക്കൂട് തകർത്തതായി പരാതി. തത്തമംഗലം ചെന്തമര നഗര്‍ ജിബിയുപി സ്‌കൂളില്‍ വിദ്യാര്‍ഥികള്‍ ഒരുക്കിയ പുല്‍ക്കൂടാണ് സാമുഹ്യ വിരുദ്ധര്‍ നശിപ്പിച്ചത്. സ്‌കൂള്‍ ഓഫീസ് മുറിയോട് ചേര്‍ന്നുള്ള സ്റ്റേജില്‍ സ്ഥാപിച്ച പുല്‍ക്കൂടാണ് തകര്‍ത്തിരിക്കുന്നത്. വെള്ളിയാഴ്ചയാണ് വിദ്യാര്‍ഥികള്‍ പുല്‍ക്കൂട് ഒരുക്കിയത്. ശനിയാഴ്ച അധ്യാപകര്‍ എത്തിയപ്പോഴും യാതൊരു കുഴപ്പവുമുണ്ടായിരുന്നില്ല. തിങ്കളാഴ്ച രാവിലെ എത്തിയപ്പോഴാണ് ഇരുമ്പ് ഗ്രില്ലിനകത്ത് സ്ഥാപിച്ച പുല്‍ക്കൂട് തകര്‍ത്ത നിലയില്‍ കാണപ്പെട്ടത്. ഗ്രില്ലിന്റെ പൂട്ട് തകര്‍ക്കാന്‍ നടത്തിയ ശ്രമം പരാജയപ്പെട്ടതോടെ നീളമുള്ള തെങ്ങിന്റെ മടല്‍ ഉപയോഗിച്ചാണ് നശിപ്പിച്ചിരിക്കുന്നത്. സ്‌കൂള്‍ പ്രധാനാധ്യാപകന്‍ ചിറ്റൂര്‍ പൊലീസില്‍ പരാതി നല്‍കി. പൊലീസ് സ്ഥലത്തെത്തി അന്വേഷണം ആരംഭിച്ചു. സമീപത്തെ കടകളിലും, വീടുകളിലുമുള്ള സി സി ടി വി കള്‍ കേന്ദ്രീകരിച്ച് പരിശോധന നടത്തും
