ജേതാക്കൾക്ക് ഒരുലക്ഷം രൂപയും രണ്ടാംസ്ഥാനക്കാർക്ക് അരലക്ഷം രൂപയും സമ്മാനമായി നൽകുമെന്ന് സംഘാടകർ പത്രസമ്മേളനത്തിൽ അറിയിച്ചു. രാത്രി 7.30നാണ് മത്സരം. നജീബ് കാന്തപുരം എം.എൽ.എ. ഉദ്ഘാടനംചെയ്യും. നഗരസഭാധ്യക്ഷൻ പി. ഷാജി അധ്യക്ഷതവഹിക്കും. സൂപ്പർ സ്റ്റുഡിയോ മലപ്പുറവും ലിൻഷ മെഡിക്കൽസ് മണ്ണാർക്കാടുമായാണ് ആദ്യമത്സരം. 9000-പേർക്ക് ഇരുന്ന് കളികാണാനുള്ള സൗകര്യങ്ങൾ ഒരുക്കിയിട്ടുണ്ട്.
ലിൻഷയുടെ മൽസരം കാണാൻ ആവേശത്തോടെ കാത്തിരിക്കുകയാണ് മണ്ണാർക്കാട്ടെ ഫുട്ബോൾ പ്രേമികളും, ഇത്തവണ ലിൻഷ കളത്തിലിറക്കുന്നതും മികച്ച ടീമിനെ തന്നെയാണ്. ആഫ്രിക്കൻ പ്ലയേഴ്സ് ഇത്തവണ ഉണ്ടാകില്ലെങ്കിലും, അത് മൽസരങ്ങളുടെ ആവേശത്തിന് ഒട്ടും കുറവ് വരുത്താത്ത രീതിയിലാണ് ടീം ലൈനപ്പ്. വിന്നർ കപ്പിൽ കുറഞ്ഞതൊന്നും ലിൻഷ പ്രതീക്ഷിക്കുന്നില്ല എന്നത് ടീം ലൈനപ്പ് തന്നെ സൂചിപ്പിക്കുന്നതായി ഫുട്ബോൾ പ്രേമികൾ ഒറ്റ സ്വരത്തിൽ പറയുന്നു