ജ്യോതിഷ്കുമാറിന്റെ ഭാര്യ ജയന്തി(24) രണ്ടര വയസ്സുള്ള മകനെ സാരിയിൽ കെട്ടിത്തൂക്കിയ ശേഷം വീട്ടിനുള്ളിൽ തൂങ്ങിമരിച്ചത് ഡിസംബർ 13 തിങ്കളാഴ്ചയാണ്. സംഭവസമയം ജയന്തിയുടെ വീടിന്റെ തൊട്ടടുത്തുള്ള ഭാര്യവീട്ടിലായിരുന്നു പോലീസുദ്യോഗസ്ഥനായ പ്രജോഷ്. വിവരമറിഞ്ഞ് ഓടിയെത്തിയ പ്രജോഷ് വാതിൽ ചവിട്ടിപ്പൊളിച്ച് വീടിനകത്ത് കയറിയപ്പോളാണ് ജയന്തിയെയും കുഞ്ഞിനെയും തൂങ്ങിയനിലയിൽ കണ്ടത്. എന്നാൽ കുഞ്ഞിന് അനക്കമുണ്ടെന്ന് കണ്ടതോടെ കെട്ടഴിച്ച് താഴെയിറക്കുകയും കൃത്രിമശ്വാസം നൽകി അപകടനില ഒഴിവാക്കുകയുമായിരുന്നു. സർവീസിൽ കയറി ആറുവർഷമായിട്ടും ജീവിതത്തിൽ ആദ്യമായാണ് ഇത്തരമൊരു സംഭവത്തിന് ദൃക്സാക്ഷിയാകുന്നതെന്നായിരുന്നു പ്രജോഷിന്റെ പ്രതികരണം.