ശിവരാത്രി ഉത്സവത്തോടനുബന്ധിച്ച് എക്സൈസ് നടത്തിയ പരിശോധനയില് മൂന്ന് കേസുകളാണ് എടുത്തത്.2036 ലിറ്റര് വാഷും 50 ലിറ്റര് ചാരായും മൂന്നിടങ്ങളില് നിന്നായി കണ്ടെടുത്തു.ഭവാനിപ്പുഴയുടെ തീരത്ത് എക്സൈസ് രണ്ട് സംഘങ്ങളായി നടത്തിയ പരിേേശാധനയില് 50 ലിറ്റര് ചാരായവും 536 ലിറ്റര് വാഷും കണ്ടെടുത്തു.പാലക്കാട് അസിസ്റ്റന്റ് എക്സൈസ് കമ്മീഷണറുടെ എം രാഗേഷ് നേതൃത്വത്തില് കള്ളമല കക്കുപ്പടിയില് ഭവാനിപ്പുഴയുടെ വശങ്ങളില് നടത്തിയ പരിശോധനയിലാണ് രണ്ട് വ്യാജനിര്മാണ കേന്ദ്രം കണ്ടെത്തിയത്.
മണ്ണാര്ക്കാട് എക്സൈസ് സര്ക്കിള് ഇന്സ്പെക്ടര് ടോണി ജോസിന്റെ നേതൃത്വത്തില് ജനമൈത്രി സ്ക്വാഡ് പാര്ട്ടിയും സംയുക്തമായി കക്കുപ്പടി ഊരിന് താഴെ ഭവാനിപ്പുഴയുടെ സമീപത്ത് നിന്നും 30 ലിറ്റര് ചാരായവും 136 ലിറ്റര് വാഷും കണ്ടെടുത്തു.
പാടവയല് പൊട്ടിക്കല് ഊരില് നിന്നും രണ്ടര കിലോമീറ്റര് മാറിയുള്ള മലമുകളിലെ നീര്ച്ചാലിന്റെ അടുത്തുള്ള പാറക്കെട്ടുകള്ക്കിടയില് നിന്നാണ് എക്സൈസ് 500 ലിറ്റര് കൊള്ളുന്ന മൂന്ന്് സിന്തറ്റിക് ടാങ്കുകളിലായി സൂക്ഷിച്ചിരുന്ന 1500 ലിറ്റര് വാഷ് കണ്ടെടുത്തത്.അഗളി എക്സൈസ് റെയ്ഞ്ച് പ്രിവന്റീവ് ഓഫീസര് വി സുരേഷ്,സിഇഒമാരായ പോള് പി ഡി,രങ്കന് എം,രജീഷ് എകെ,രങ്കന് കെ,എക്സൈസ് ഡ്രൈവര് വിഷ്ണു ടി എ്ന്നിവര് പരിശോധനയില് പങ്കെടുത്തിട്ടുണ്ട്. ശിവരാത്രി ഉത്സവം കണക്കിലെടുത്ത് അട്ടപ്പാടി പ്രദേശത്ത് ഫെബ്രുവരി 28 മുതല് മാര്ച്ച് രണ്ട് വരെ ജില്ലാ ഭരണകൂടം ഡ്രൈഡേ പ്രഖ്യാപിച്ചിരിക്കുകയാണ്.