മണ്ണാർക്കാട്: പൊമ്പ്രയിൽ നിയന്ത്രണം വിട്ട വാൻ വീടിന്റെ മതിൽ ഇടിച്ചുതകർത്തു. ആളപായമില്ല. ഇന്നലെ മൂന്ന് മണിയോടെയാണ് സംഭവം പൊമ്പ്ര -പൊന്നംകോട് റോഡിൽ ഹാർഡ് വെയർ കടയോടു ചേർന്ന വീടിന്റെ മതിലാണ് ഇടിച്ചു തകർത്തത്. കടയിലേക്ക് സാധനങ്ങൾ വിതരണം ചെയ്യുന്ന വാനാണ് അപകടത്തിൽപ്പെട്ടത്.
അപകടത്തിൽ വീടിനു മുന്നിൽ നിർത്തിയിട്ടിരുന്ന രണ്ട് ബൈക്കുകൾ, കടയിൽ വിൽപ്പനയ്ക്കായി വെച്ചിരുന്ന ടാങ്കുകൾ എന്നിവയ്ക്കും കേടുപാടുകൾ സംഭവിച്ചു. പൊമ്പ്ര താളിക്കാട്ടിൽ പി.കെ. നൗഫലിന്റേതാണ് വീടും കടയും. . ഏകദേശം 30,000 രൂപയുടെ നഷ്ടം സംഭവിച്ചതായി നൗഫൽ പറഞ്ഞു.
