വിദ്യാർത്ഥിയെ ആക്രമിച്ചതായി പരാതി

                     പ്രതീകാത്മക ചിത്രം

അഗളി: പ്ലസ് വൺ വിദ്യാർഥിയെ ഒരു സംഘം മർദിച്ചതായി പരാതി. പ്ലസ് വൺ വിദ്യാർഥി കള്ളമല സ്വദേശി സിറിൽ ജയിംസിനാണ് മർദ്ദനമേറ്റത്. ജെല്ലിപ്പാറ മൗണ്ട്കാർമൽ സ്കൂളിലെ വിദ്യാർത്ഥിയാണ് സിറിൽ.  ചൊവ്വാഴ്ച വൈകീട്ട് നാലിന് സ്കൂൾ വിട്ട് വീട്ടിലേക്ക് പോകുന്നവഴി മർദനമേറ്റതായാണ് പറയുന്നത്. പിക്കപ്പ് വാനിലെത്തിയവരാണ് മർദിച്ചതെന്ന് പരാതിയിൽ പറയുന്നു.

കല്ലുക്കൊണ്ട് തലയിൽ കുത്തി പരിക്കേൽപ്പിക്കുകയായിരുന്നു. തുടർന്ന് സംഘം വാഹനത്തിൽ കയറി രക്ഷപ്പെട്ടു. തലയ്ക്ക് പരിക്കേറ്റ വിദ്യാർഥിയെ കോട്ടത്തറ ട്രൈബൽ സ്പെഷ്യാലിറ്റി ആശുപത്രിയിൽ ചികിത്സതേടി. തുടർന്ന്, വീട്ടിലേക്ക് തിരിച്ചുപോയെങ്കിലും കൈയും കാലും നീരുവെച്ച നലയിലാണ്.

വിദഗ്ധ ചികിത്സക്കായി മണ്ണാർക്കാട് ആശുപത്രിയിലേക്ക് മാറ്റുമെന്ന് രക്ഷിതാക്കൾ പറഞ്ഞു. വെള്ളിയാഴ്ച വിദ്യാർഥിയുടെ വീട്ടിലെത്തി മൊഴി രേഖപ്പെടുത്തി അന്വേഷണം ആരംഭിക്കുമെന്ന് അഗളി പോലീസ് പറഞ്ഞു.