കരിമ്പുഴ : കാട്ടുപന്നി ബുള്ളറ്റ് ഇടിച്ച് തെറിപ്പിച്ച് യുവാവിന് പരിക്കേറ്റു. കരിമ്പുഴ പഞ്ചായത്തിലെ ഡ്രൈവർ മുഹമ്മദ് അഷ്കറിനാണ് പരിക്കേറ്റത്. ഇന്ന് രാവിലെ 7 മണിയോടെ ആയിരുന്നു അപകടം. തിരഞ്ഞെടുപ്പ് ഡ്യൂട്ടിക്കായി ബുള്ളറ്റിൽ പാലക്കാട്ടേക്ക് പോവുകയായിരുന്നു അഷ്കർ. പൊമ്പ്ര മണ്ണോട്ടുംപടി ഭാഗത്തുവെച്ച് ഓടിവന്ന കാട്ടുപന്നി ബൈക്കിനെ ഇടിച്ചു തെറിപ്പിക്കുകയായിരുന്നു. ഏകദേശം 50 മീറ്ററോളം ദൂരം ബൈക്ക് തെറിച്ചു വീണു. അഷ്കർ നിസ്സാര പരിക്കുകളോടെ രക്ഷപ്പെട്ടു.
