തൃശൂരിൽ ശക്തമായ മഴ; പലയിടത്തും ഇരുചക്രവാഹനങ്ങൾ ഒലിച്ചുപോയി
byഅഡ്മിൻ-
0
തൃശൂരിലും ശക്തമായ മഴ തുടരുന്നു. കനത്ത മഴയില്‍ നഗരത്തിലെ വിവിധയിടങ്ങളില്‍ വെള്ളക്കെട്ട് രൂപപ്പെട്ടു. അശ്വിനി ആശുപത്രിയിലും പുറകുവശത്തെ വീടുകളിലും വെള്ളം കയറി. റെയില്‍വേ സ്റ്റേഷന്‍ പാര്‍ക്കിങ്ങിലും വലിയ വെള്ളക്കെട്ടാണ് രൂപപ്പെട്ടത്. കൊച്ചിന്‍ ദേവസ്വം ബോര്‍ഡ് ഓഫീസിന് സമീപത്തെ താഴത്തെ നിരയിലുള്ള കടകളിലും, ശങ്കരയ്യ റോഡിലെ വീടുകളിലും വെള്ളം കയറി.
ബിഷപ്പ് പാലസിന് സമീപവും വടക്കേ സ്റ്റാന്‍ഡിനു സമീപവും മതില്‍ ഇടിഞ്ഞുവീണു. കനത്ത മഴയെ തുടര്‍ന്ന് നഗരത്തില്‍ വലിയ ഗതാഗതക്കുരുക്കാണ് അനുഭവപ്പെട്ടത്. ഗുരുവായൂര്‍ ക്ഷേത്രത്തില്‍ നടപ്പന്തലില്‍ വെള്ളം കയറി. സമീപത്തെ കടകളിലും വെള്ളം കയറി. തൃശൂര്‍ വടക്കേച്ചിറയില്‍ ഫ്‌ളാറ്റുകളില്‍ വെള്ളം കയറി.
