ഇന്ന് വൈകീട്ട് അഞ്ചരയോടേയാണ് സംഭവം അട്ടപ്പാടിയിൽ നിന്ന് മണ്ണാർക്കാട്ടേക്ക് യാത്രക്കാരുമായി വരികയായിരുന്ന കെഎസ്ആർടിസി ബസിന്റെ ബ്രൈക്കാണ് പത്താം വളവിന് മുകളിൽ വെച്ച് നഷ്ടമായത്. ബസ്സിൽ വിദ്യാർത്ഥികൾ അടക്കം 65 ഓളം യാത്രക്കാരുണ്ടായിരുന്നു. ആ സമയത്ത് പത്താം വളവിൽ കാഴ്ചകാണാൻ നിറയെ വിനോദയാത്രികരും ഉണ്ടായിരുന്നു, മനസാന്നിധ്യം കൈവിടാതെ ഡ്രൈവർ പത്താം വളവ് എത്തുന്നതിന് തൊട്ടു മുന്നെ ബസ് റോഡിന്റെ വലതുവശത്തെ സൈഡിൽ ഇടിച്ച് നിർത്തുകയായിരുന്നു. ആർക്കും പരിക്കില്ല. അത്ഭുതകരമായ രക്ഷപ്പെടൽ എന്നാണ് യാത്രക്കാർ പറഞ്ഞത്. കെഎസ്ആർടിസി ഡ്രൈവർ റിയൽ ലൈഫിലെ സൂപ്പർ ഹീറോ ആണെന്നാണ് യാത്രക്കാർ വാഴ്ത്തുന്നത്
