1968ല് മലപ്പുറം പാണ്ടിക്കാട് ഗവ. സ്കൂളില് നിന്നും പത്താം തരം വിജയിച്ചതാണ് ശ്രീദേവി അമ്മ. വിവാഹ ശേഷം പഠനം നടത്താന് കഴിഞ്ഞില്ല. ഇപ്പോള് മക്കളും പേരക്കുട്ടികളുമായി വീട്ടില് കഴിഞ്ഞ് കൂടുന്നതിനിടെയാണ് ഫയര്ഫോഴ്സിലെ ഉദ്ദ്യോഗസ്ഥനായ അലനല്ലൂരിലെ നാസറിന്റെ പ്രേരണയാണ് തുല്യത പരീക്ഷ എഴുതാന് കാരണമെന്ന് ശ്രീദേവിഅമ്മ പറഞ്ഞു. വിവാഹ ശേഷം മൂന്ന് പി.എസ്.സി പരീക്ഷ എഴുതിയെങ്കിലും ഒന്നില് സപ്ലിമെന്ററി ലിസ്റ്റില് അഞ്ചാമത് എത്തുകയും ചെയ്തിരുന്നതായി ശ്രീദേവിഅമ്മ പറഞ്ഞു.
തുല്യത ഏഴും പത്തും പരീക്ഷ എഴുതിയാണ് കുമരംത്തൂരിലെ വളളി പ്ലസ്ടുവരെ എത്തിയത്. തുല്യത പരീക്ഷക്ക് പ്രത്യേകം ഫണ്ട് നീക്കിവെക്കുന്ന ഗ്രാമപഞ്ചായത്താണ് കുമരംപുത്തൂര്. സാക്ഷരതാ പ്രേരക് വിശേശ്വരി ഭാസ്കറാണ് വളളിയെ കണ്ടെത്തി കൊണ്ടുവന്നത്. പഠനം നിര്ത്തിയവര്ക്കും പഠിക്കാന് താല്പര്യമുളളവര്ക്കും ഞങ്ങള് ഒരു പ്രചോദനമാവാന് കൂടിയാണ് പരീക്ഷ എഴുതുന്നതെന്നാണ് ഇരുവരും പറയുന്നത്. ജില്ലയില് പ്ലസ് വണ്, പ്ലസ്ടു തുല്യത പരീക്ഷകളിലായി 2892 പഠിതാക്കളാണ് ഇന്ന് പരീക്ഷ എഴുതിയത്. ഇതില് അറൂന്നോളം പേര് പരീക്ഷ എഴുതുന്ന ജില്ലയിലെ വലിയ പരീക്ഷ കേന്ദ്രം കൂടിയാണ് മണ്ണാര്ക്കാട്ടെ കല്ലടി ഹയർസെക്കൻഡറി സ്കൂൾ