വനത്തിനോട് ചേര്‍ന്ന് പിക്കപ്പ് വാന്‍ നിര്‍ത്തിയിട്ടിരുന്നത് കണ്ട് സംശയം തോന്നിയ വനപാലകരുടെ പരിശോധനയില്‍ വാഹനത്തിനുള്ളില്‍ നിന്ന് ചന്ദനം കണ്ടെടുത്തു. പിന്നാലെ വാഹനത്തിന് സമീപമുണ്ടായിരുന്ന നാലുപേരെയും ഉദ്യോഗസ്ഥര്‍ കീഴ്പ്പെടുത്തി. ഇവര്‍ക്കൊപ്പമുണ്ടായിരുന്ന ഒരാള്‍ ഓടിരക്ഷപ്പെട്ടു. ചന്ദനം മുറിച്ച് വാഹനത്തിലേക്ക് മാറ്റുന്നവരും കൊണ്ടുപോവാനെത്തിയവരുമാണ് പിടിയിലായത്. അഗളി റേഞ്ച് ഓഫിസറുടെ നേതൃത്വത്തില്‍ ഗൂളിക്കടവ് സെക്ഷന്‍ സ്റ്റാഫുകളുടെ സഹായത്തോടെയാണ് നാലുപേരെയും പിടികൂടിയത്. നാലുപേരെയും കോടതിയില്‍ ഹാജരാക്കി റിമാന്‍ഡ് ചെയ്തു.