ഇന്ന് പുലര്ച്ചെ 1.45ഓടെ മുക്കം വട്ടോളി പറമ്പിലാണ് അപകടം നടന്നത്. ഇരുവരും കോഴിക്കോട് മാങ്കാവിലെ പുതിയ ലുലു മാള് സന്ദര്ശിച്ച് മടങ്ങി വരികയായിരുന്നു. ഇടിയുടെ ആഘാതത്തില് മതിലിനും ബൈക്കിനും ഇടയില് കുടുങ്ങിപ്പോയ അവസ്ഥയിലായിരുന്നു ജസീം. ഓടിക്കൂടിയ നാട്ടുകാരും സ്ഥലത്തെത്തിയ അഗ്നിരക്ഷാസേനയുമാണ് രക്ഷാപ്രവര്ത്തനം നടത്തിയത്.
ജസീമിന്റെ മൃതദേഹം കോഴിക്കോട് മെഡിക്കല് കോളേജ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. പോസ്റ്റ്മോര്ട്ടം നടപടി പൂര്ത്തിയായ ശേഷം ബന്ധുക്കള്ക്ക് വിട്ടുനല്കും. തുടര്ന്ന് അമ്പലക്കണ്ടി പുതിയോത്ത് ജുമാമസ്ജിദ് ഖബര്സ്ഥാനില് ഖബറടക്കും. വേങ്ങര പിപിടിഎം ആര്ട്സ് ആന്റ് സയന്സ് കോളേജ് ബികോം രണ്ടാം വര്ഷ വിദ്യാര്ത്ഥിയായിരുന്നു ജസീം.