കണ്ണംകുണ്ട് പാലം നിർമാണത്തിന് ധനകാര്യ വകുപ്പിന്റെ പ്രവർത്തനാനുമതി

അലനല്ലൂർ: അലനല്ലൂർ-എടത്തനാട്ടുകര മേഖലകളെ ബന്ധിപ്പിക്കുന്ന കണ്ണംകുണ്ട് പുതിയ പാലം നിർമാണത്തിന് ധനകാര്യവകുപ്പിൽനിന്നും പത്തുകോടി രൂപയുടെ പ്രവർത്തനാനുമതി ലഭിച്ചു. 2021-2022 വർഷത്തെ സംസ്ഥാന ബജറ്റിൽ നീക്കിവെച്ച അഞ്ചുകോടി രൂപയും 2024-2025 വർഷത്തിലെ അഞ്ചുകോടി രൂപയും ഉൾപ്പെടുത്തിയാണ് പുതിയ പാലത്തിന് 10 കോടി രൂപയുടെ പ്രവർത്തനാനുമതി ലഭിച്ചിട്ടുള്ളത്. എൻ. ഷംസുദ്ദീൻ എം.എൽ.എ.യ്ക്കാണ് ഇതുസംബന്ധിച്ച് ധനകാര്യവകുപ്പിൽനിന്നും കത്തുലഭിച്ചത്. ഇനി ഭരണാനുമതികൂടി ലഭ്യമാകുന്നതോടെ പാലത്തിന്റെ തുടർനടപടികളിലേക്കും കടക്കാനാകും.

വർഷങ്ങൾക്ക് മു​മ്പ് പാ​ല​ത്തി​നാ​യി മൂ​ന്നു​കോ​ടി വ​ക​യി​രു​ത്തു​ക​യും എ​സ്റ്റി​മേ​റ്റും പ്ലാ​നും ത​യാ​റാ​ക്കു​ക​യും ചെ​യ്തെ​ങ്കി​ലും അ​പ്രോ​ച്ച് റോ​ഡി​നാ​യി  സ്ഥ​ലം ലഭിക്കാത്ത​തി​നെ തു​ട​ർ​ന്ന് ഫ​ണ്ട് പാ​ഴാ​വു​ക​യാ​യി​രു​ന്നു. ര​ണ്ട് വ​ർ​ഷ​ത്തെ ഗ​താ​ഗ​ത ത​ട​സ്സ​മി​ല്ലാ​തി​രി​ക്കാ​ൻ അ​ൽ​പം കി​ഴ​ക്കോ​ട്ട് മാ​റി പാ​ലം നി​ർ​മി​ക്കാ​ൻ പി.​ഡ​ബ്ല്യു.​ഡി എ​സ്റ്റി​മേ​റ്റും പ്ലാ​നും ത​യാ​റാ​ക്കി​യ​താ​ണ് വി​ന​യാ​യ​ത്. കണ്ണംകുണ്ടിൽ പുതിയ പാലമെന്നത് നാട്ടുകാരുടെ വർഷങ്ങളായുള്ള ആവശ്യമാണ്. പുഴയ്ക്കു കുറുകെ നിലവിലുള്ള കോസ്‌വേയുടെ ഉയരക്കുറവുകാരണം എല്ലാ വർഷകാലത്തും മിക്കദിവസങ്ങളിലും കോസ്‌വേ വെള്ളത്തിനടിയിലാകും. ഈ സമയങ്ങളിൽ എടത്തനാട്ടുകരയിൽനിന്ന് അലനല്ലൂരിലേക്കും തിരിച്ചുമുള്ള യാത്രയ്ക്ക് ഉണ്ണിയാൽ വഴി കിലോമീറ്ററുകൾ താണ്ടണം. പുതിയ പാലം വന്നാൽ ഈ യാത്രാദുരിതത്തിന് പരിഹാരമാകും.