കോട്ടോപ്പാടം: കല്ലടി അബ്ദുഹാജി ഹയർ സെക്കന്ററി സ്കൂളിലെ തിരഞ്ഞെടുത്ത 24 കുട്ടികൾ മദ്രാസ് ഐ ഐ ടി സന്ദർശിച്ചു. ഡാറ്റ സയൻസ് ,ആർട്ടിഫിഷ്യൽ ഇന്റലിജൻസ്, ഇലക്ട്രോണിക്സ് സിസ്റ്റം എന്നീ വിഷയങ്ങളിൽ എട്ട് ആഴ്ച ദൈർഘ്യമുള്ള കോഴ്സ് ചെയ്യുന്ന സ്കൂളിലെ ഹയർ സെക്കണ്ടറി വിദ്യാർത്ഥികൾക്കാണ് ഈ അസുലഭ അവസരം ലഭിച്ചത് .ഐ ഐ ടി യിലെ വിവിധ വിഭാഗങ്ങളിൽ സന്ദർശനം നടത്തിയ കുട്ടികൾക്ക് ശാസ്ത്രത്തിലെ നൂതന സങ്കേതങ്ങളെക്കുറിച്ചും വിവിധ തൊഴിൽ അവസരങ്ങളെക്കുറിച്ചും ഐ ഐ ടി യിലെ റിസോഴ്സ് അധ്യാപകർ ക്ലാസ്സ് എടുത്തു.
സ്കൂളിലെ കമ്പ്യൂട്ടർ സയൻസ് അദ്ധ്യാപിക ഫസീല അബ്ബാസ്‌ ആണ് പരിപാടിയുടെ മുഖ്യ ആസൂത്രക .പ്രിൻസിപ്പൽ എം പി സാദിക്ക്, കരിയർ ഗൈഡ് ബാബു ആലായൻ, നൗഫൽ കെ പി ,എന്നിവർ കുട്ടികളെ അനുഗമിച്ചു.
